سپریم کورٹ میں ایان علی کانام ای سی ایل سےنکالنےکافیصلہ چیلنج -
The news is by your side.

Advertisement

سپریم کورٹ میں ایان علی کانام ای سی ایل سےنکالنےکافیصلہ چیلنج

اسلام آباد : وزارت داخلہ نے ایان علی کا نام ایگزیٹ کنٹرول لسٹ سےنکالنے سے متعلق فیصلہ سپریم کورٹ میں چیلنج کر دیا ہے۔

تفصیلات کےمطابق ماڈل ایان علی کا نام ای سی ایل سے نکالنے سے متعلق سندھ ہائی کورٹ کا فیصلہ وزارت داخلہ نےسپریم کورٹ میں چیلنج کیا ہے۔

وزارت داخلہ کی جانب سے عدالت عظمیٰ میں جمع کرائی گئی درخواست میں موقف اختیار کیا گیا ہے کہ چونکہ ایان علی کا معاملہ سپریم کورٹ میں زیر سماعت ہے اس لیے سندھ ہائی کورٹ سماعت نہیں کر سکتی۔

سپریم کورٹ میں دائر درخواست میں کہاگیا ہےکہ یہ معاملہ سندھ ہائی کورٹ کےدائرہ کار سے باہر تھا اور اس کا فیصلہ انصاف کے تقاضوں کے منافی ہےلہٰذا اسے کالعدم قرار دیا جائے۔

درخواست میں وزارت داخلہ نے موقف اپنایا ہے کہ ایان علی کےخلاف حساس نوعیت کا کیس زیرسماعت ہے اس لیےماڈل گرل کو بیرون ملک نہیں جانے دیاجاسکتا۔

واضح رہےکہ ایان علی کو 2015 میں راولپنڈی ایئر پورٹ سےکروڑوں ڈالرمالیت کی غیرملکی کرنسی اسمگل کرنے کےالزام میں گرفتار کیاگیاتھا۔

Comments

comments

یہ بھی پڑھیں