کراچی: صوبہ سندھ کے دارالحکومت کراچی میں 17 ویں عالمی کتب میلے کا آغاز ہوگیا، میلے میں 17 ممالک کے 40 سے زائد ادارے اپنی کتب پیش کریں گے۔
تفصیلات کے مطابق کراچی کے ایکسپو سینٹر میں 5 روزہ کتب میلے کا آغاز جمعرات 8 دسمبر سے ہوگیا جو اتوار 12 دسمبر 2022 تک جاری رہے گا۔
کتب میلے میں کتابوں کے 330 اسٹالز لگائے گئے ہیں جن میں مقامی و بین الاقوامی مصنفین کی کتابیں موجود ہیں، 17 ممالک کے 40 ادارے میلے میں اپنی کتابیں پیش کریں گے۔
کتب میلے میں 60 سے 70 فیصد رعایت پر کتابیں دستیاب ہوں گی۔
منتظمین کا کہنا ہے کہ رواں برس کتب میلے میں 5 لاکھ سے زائد افراد کی شرکت متوقع ہے جن میں کراچی سمیت ملک بھر کے شہری شامل ہیں۔