اسلام آباد: دفترِخارجہ نے انتہا پسند ہندؤں پاکستانیوں کو نشانہ بنانے پرعالمی برادری سےشیوسینا کی دہشت گردکارروائیوں کا نوٹس لینے کا مطالبہ کردیا ہے۔
ترجمان دفترخارجہ قاضی خلیل اللہ نے ہفتہ وارمیڈیا بریفنگ میں کہا ہےکہ پاکستان نے پہلے بھی بھارت میں انتہا پسندی پرتشویش ظاہر کی ہے۔
دفترِ خارجہ کا کہنا ہے کہ ہندوانتہا پسندوں نے پاکستانیوں سمیت دیگرغیرملکیوں کوبھی نشانہ بنایا ہے لہذاعالمی برادری شیوسینا کی دہشت گرد کارروائیوں کا نوٹس لے۔
انہوں نے یہ بھی کہا کہ پاکستان بھارتی وزیراعظم کی مقبوضہ کشمیر آمد کے موقع پروادی میں حریت رہنماؤں کی گرفتاریوں کی بھی مذمت کرتا ہے۔
ترجمان کا مزید کہنا تھا کہ افغانستان سے متعلق پاکستان کی پالیسی واضح ہے ہم افغانستان میں امن چاہتے ہیں اورمفاہمتی عمل کی حمایت کرتے ہیں۔
انہوں نے یہ بھی کہا کہ افغانستان میں قیام امن کے لئے افغان حکومت کی درخواست پردوبارہ مفاہمتی کردارادا کرنے کوتیارہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں