The news is by your side.

Advertisement

مسلح افواج کے انسٹی ٹیوٹ آف کارڈیالوجی کے زیر اہتمام عالمی کانفرنس کا انعقاد

راولپنڈی: آرمڈ فورسز انسٹیٹیوٹ آف کارڈیالوجی میں انٹرنیشنل الیکٹروفزیالوجی کانفرنس کا انعقاد کیا گیا، کانفرنس میں مختلف ممالک کے سول وملٹری ماہرین امراض قلب نے اپنے تجربات شیئر کئے۔

پاک فوج کے شعبہ تعلقات عامہ آئی ایس پی آر کے مطابق آرمڈ فورسز انسٹیٹیوٹ آف کارڈیالوجی میں 18ویں تین روزہ انٹرنیشنل الیکٹروفزیالوجی کانفرنس کا افتتاحی سیشن منعقد ہوا، کانفرنس کا موضوع ردھم فار لائف دو ہزار بائیس رکھا گیا۔

آئی ایس پی آر کے مطابق لیفٹیننٹ جنرل نگار جوہر افتتاحی سیشن کی مہمان خصوصی تھیں جبکہ سول ملٹری ڈیپارٹمنٹس کے کارڈیک الیکٹرو فزیالوجسٹ کے علاوہ برطانیہ، ترکی، آذربائیجان، قطر، سعودی عرب اور امریکا سمیت دنیا کے مختلف حصوں سے معروف سبجیکٹ اسپیشلسٹ نے بکانفرنس میں شرکت کی۔

آئی ایس پی آر کے مطابق اے ایف آئی سی کے پروفیسرعظمت حیات نےکنونیئر کےفرائض سرانجام دیئے انہوں نے کارڈیک الیکٹروفیزیالوجی کے پہلوؤں پر روشنی ڈالی اور شرکا کو بتایا کہ الیکٹروفیزیولوجی کی کامیابی ستانوے فیصدسےزائدہے، اے ایف آئی سی میں دوہزار سے زائد مریضوں کا کامیابی سےعلاج کیا گیا۔

آئی ایس پی آر کے مطابق افتتاحی سیشن سے برطانیہ کے پروفیسر جسوندرسنگھ نے الیکٹروفیزیولوجی اور متعلقہ شعبےپر اپنےتجربات بیان کیے۔

اس موقع پر کانفرنس کی مہمان خصوصی لیفٹیننٹ جنرل نگارجوہر نے اپنےتجربات سے متعلق اظہارخیال کیا اور الیکٹروفیزیولوجی کی اہمیت اور ڈیمانڈپر روشنی ڈالی۔

Comments

یہ بھی پڑھیں