The news is by your side.

یوروپیو انڈیکس میں جعل سازی، دو سابق بینکاروں کو قید کی سزا

لندن : برطانیہ کی ایک عدالت نےبارکلے بینک کے دو سابق عہدیداروں کو انٹرنیشنل یوروپیو انڈیکس میں منافع کی شرح جعل سازی کی سازش کرنے کے الزام میں قید کی سزا کا حکم دیا ہے۔

تفصیلات کے مطابق برطانوی عدالت نے 62 سالہ کولین برمنگھم جو مانیٹری مارکیٹ کے سابق تجزیہ نگار بھی رہ چکے ہیں کو پانچ سال قید کی سزا سنائی ہے جب کہ 40 سالہ کاروباری شخصیت کارلو پالومپو کو چار سال قید کی سزا سنائی گئی ہے۔ عدالت نے اسی کیس میں 41 سالہ سیسی پوہارٹ کو بری کردیا۔

پوہارٹ کا تعلق سویڈن سے بتایا جاتا ہے۔منافع کی شرح میں ہیر پھیر کے الزامات میں سزا کا سامنا کرنے والے بیرمنگھم اور پالومپو اپنے اوپر عاید کردہ الزامات کو مسترد کرچکے ہیں۔ دونوں ملزمان کو یہ سزا حلف لینے والی کمیٹی کی سفارش پر دی گئی ہے۔

گذشتہ برس اس کمیٹی نے دونوں ملزمان کو منافع کی شرح میں غیرقانونی طور تبدیلی کرنے کی سازش پر انہیں قید کی سزا سنائے جانے کی سفارش کی تھی تاہم بعد میں کمیٹی نے اپنا فیصلہ معطل کردیا تھا۔ حال ہی میں اس کیس کو دوبارہ کھولا گیا۔ برطانیہ کی خطرناک دھوکہ دہی کے جرائم کی روک تھام کرنے والے دفتر’ایس ایف او’ کےسامنے یہ مقدمہ پیش کیا گیا۔

ملزمان کے خلاف مسلسل سات سال تک فوج داری تحقیقات جاری رہی ہیں۔پراسیکیوٹر جنرل کے نمائندوں کا کہنا تھا کہ ملزمان نے یوروپیو کےڈیٹا میں ہیر پھیر کرنے اور انڈیکس میں جعلی اعدادو شمار شامل کرنے کی سازش کی تھی۔انہوں نے 150 کھرب ڈالر اور 180 کھرب ڈالر کے درمیان رقوم کے منافع کی شرح میں ہیر پھیر کیا۔ یہ سازش 2005ءاور 2009ءکے درمیان کی گئی تھی۔

Comments

یہ بھی پڑھیں