سہہ ملکی کبڈی چیمپیئن شپ : پاکستان نے بھارت اور ایران کو شکست دے دی -
The news is by your side.

Advertisement

سہہ ملکی کبڈی چیمپیئن شپ : پاکستان نے بھارت اور ایران کو شکست دے دی

فیصل آباد : تین ملکی کبڈی چیمپئن شپ میں پاکستان وائٹ اور گرین نے کامیابی حاصل کرلی، پاکستان نے روایتی حریف بھارت اور ایران کی ٹیموں کو شکست دے دی، میچ کے بعد پاکستانی اور بھارتی کھلاڑیوں نے روایتی جگنی پر بھنگڑے ڈالے۔

تفصیلات کے مطابق اقبال اسٹیڈیم فیصل آباد میں جاری تین ملکی کبڈی چیمپئن شپ میں پاکستان گرین نے بھارتی ٹیم کو ہرادیا، ایونٹ کے دوران پاکستانی کبڈرز نے بھارتی ٹیم کو انتیس کے مقابلے میں سینتالیس پوائنٹس سے شکست دی۔

ایک اور مقابلے میں پاکستان وائٹ نے ایرانی کبڈرز کو چوبیس کے مقابلے میں اڑتیس پوائنٹس سے شکست دی، بھارتی کبڈی ٹیم کے منیجرسنتوش سنگھ کبیر نے پاکستان کو پرامن مہمان نواز ملک قرار دیا۔

مزید پڑھیں: فیصل آباد، بھارتی کبڈی ٹیم کی مقامی ہوٹل آمد پر والہانہ استقبال

میچ کے بعد پاکستانی اوربھارتی کھلاڑیوں نے عارف لوہار کی جگنی پر رقص بھی کیاجبکہ بھارتی ٹیم کے ساتھ آئے ہوئے آفیشلز نے بھی کھلاڑیوں کا ساتھ دیا، ایونٹ کے دوران شاندار آتش بازی کا مظاہرہ بھی کیا گیا اس موقع پر شہریوں کی بڑی تعداد بھی موجود تھی۔

Comments

comments

یہ بھی پڑھیں