site
stats
عالمی خبریں

برازیل میں بیوی نےآشنا کےساتھ مل کر یونانی سفیرکوقتل کیا

ریو ڈی جنیرو: برازیلین پولیس کا کہناہے کہ بیوی نے اپنے آشنا کے ساتھ مل کر یونانی سفیر کو قتل کیا۔

تفصیلات کےمطابق برازیل میں یونانی سفیر، 59 سالہ کائیریاکوس امیریدس 26 دسمبر 2016 کی رات سے گمشدہ تھے جن کی لاش مقامی پولیس کو جمعرات 29 دسمبر کے روز ریو ڈی جنیرو کے نواحی علاقے میں ایک جلی ہوئی کار سے ملی۔

پولیس کا کہنا ہے کہ یونانی سفیر کی برازیلین بیوی فرانسوا امیریدس نے اپنے عاشق کے ساتھ مل کر اپنے شوہر کو قتل کرنے کی سازش تیار کی۔

یونانی سفیر کی 40 سالہ برازیلی بیوی فرانکوئے ڈی سوزا اولیویرا کا معاشقہ 29 سالہ مقامی پولیس افسر سرگیو گومیز موریرا کے ساتھ تھا۔

post-1

پولیس نے سفیر کے قتل کی تحقیقات کی تو پولیس افسرموریرا نےیونانی سفیر کے قتل میں ملوث ہونے کا اعتراف کرلیا۔

پولیس افسرموریرانےکہا کہ قتل کےلیے 24 سالہ ایڈوارڈو تیدیشی سے مدد لی تھی اور اسے 25000 ڈالر بطور معاوضہ بھی ادا کیے تھے۔

پولیس کے مطابق ان تینوں مشتبہ افراد سے تفیش کے لیے انھیں 30 دن کے لیے پولیس کی تحویل میں دیا جائے گا۔

واضح رہےکہ برازیل میں یونان کے 59 سالہ سفیر کائیریاکوس امیریدس اپنی بیوی اور والدین کے ہمراہ کرسمس اور نئے سال کی چھٹیاں گذارنے ریو آئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top