The news is by your side.

ملک کے مختلف شہروں میں انٹرنیٹ سروس بحال

کراچی: ملک کے مختلف شہروں میں انٹرنیٹ سروس بحال کر دی گئی۔

ترجمان پی ٹی سی ایل کے مطابق فائبر آپٹک کیبل کٹنے کے باعث کراچی سمیت متعدد شہروں میں انٹرنیٹ سروس متاثر ہوئی تھی۔

پی ٹی سی ایل ترجمان کا کہنا تھا کہ فائبر آپٹک کیبل متعدد جگہوں سے کٹنے کے باعث متاثر ہوئی تھی، جس کو پی ٹی سی ایل کے عملے نے 5 گھنٹے بعد بحال کر دیا ہے۔

فائبر آپٹک کیبل کٹنے سے ملک کے شمالی اور وسطی حصوں میں انٹرنیٹ کی سروس بند ہو گئی تھی، ترجمان کے مطابق پی ٹی سی ایل ٹیموں نے ترجیحی بنیادوں پر انٹرنیٹ کی بحالی کے لیے کام کیا۔

Comments

یہ بھی پڑھیں