The news is by your side.

قوس قزح کو نئے انداز میں دیکھ کر سوشل میڈیا صارفین حیران رہ گئے

بارش کے بعد جب دھوپ نکلتی ہے تو آسمان پر مختلف رنگوں پر مشتمل’’قوس و قزح‘‘نمودار ہوتی ہے جو آسمان پر خوبصورت رنگ بکھیر دیتی ہے اس دلفریب منظر کو دیکھ کر لوگوں خوشی کا احساس ہوتا ہے۔

قوس قزح کے حوالے سے سوشل میڈیا پر ایک انوکھی ویڈیو وائرل ہو رہی ہے جس میں ایسی منفرد قسم کی قوس و قزح نظر آرہی ہے جسے دیکھ کر لوگوں کو خوشگوار حیرت کا سامنا ہوا۔

وائرل ویڈیو میں دیکھا جاسکتا ہے کہ ایک خاتون جو اسکائی ڈائیونگ کررہی ہے، اس دوران اس نے زمین پر اترتے ہوئے اپنے کیمرہ کا رخ زمین کی جانب کیا جہاں ایک بے حد حسین منظر دیکھنے میں آیا جسے اس نے محفوظ کرلیا۔

اس نے دیکھا کہ حیرت انگیز طور پر ایک رنگین گول دائرے پر مشتمل قوس قزح نظر آرہی ہے جو اندر سے بنفشی رنگ کی ہے،

حیرت انگیز نظارہ ایک دائرہ دار قوس قزح کو ظاہر کرتا ہے جس میں باہر سے سرخ اور اندر سے بنفشی ہوتی ہے، جو قوس قزح میں سپیکٹرم کے رنگوں کا عام انتظام ہے۔

ویڈیو کو اگر غور سے دیکھیں تو آپ کو محسوس ہوگا کہ قوس قزح گول انگوٹھی کی مانند نمودارہوئی ہے، مذکورہ ویڈیو کو 99ہزار سے زائد صارفین نے دیکھا اور پسند کیا۔

A rainbow is caused by reflection, refraction and dispersion of light in water droplets in the air, resulting in a spectrum of light.

ایک صارف کا کہنا تھا کہ بیرونی اور اندرونی قوس قزح کے درمیان اس سیاہ دائرے کو دیکھیں؟ یہ وہ تمام رنگ ہیں جو آپ کی آنکھوں نے پہلے نہیں دیکھا ہوگا۔

ایک اور صارف نے کہا کہ مجھے یاد ہے کہ جب میں 14 سال کا تھا تو فزکس میں پڑھا تھا کہ قوس قزح کیا ہوتی ہے لیکن اب اس کا نظارہ کر اور بھی حیرت زدہ ہوگیا ہوں۔

سائنسی اعتبار سے جب سورج کی شعاعیں پانی کے قطروں پر پڑتی ہیں تو اُن میں سے کوئی ایک یا دو قطرے مخروطی زاویے کے انداز میں اِن رنگین شُعاعوں کو منعکس کرتے ہیں۔

جب دو قطروں سے شُعاعیں پھوٹتی ہیں تو دوسرے قطرے سے نکلنے والی شعاعوں کے رنگوں کی ترتیب اُلٹ جاتی ہے اور اِن دو رنگوں کے درمیان سیاہی ہوتی ہے جسے سورج کے مخالف 42 ڈگری کے زاویے سے دیکھا جاسکتا ہے۔

Comments

یہ بھی پڑھیں