کراچی: حالیہ عالمی سروے کے مطابق انٹرنیٹ کا سب سے زیادہ استعمال براعظم یورپ میں رپورٹ کیا گیا ہے، عالمی سروے کی تحیقیق کی روشنی میں‌ دنیا میں انٹرنیٹ صارفین کی 50 فیصد تعداد ایشیا میں ہے.

سروے کے مطابق امریکا اور یورپ سے زیادہ ایشیا میں انٹرنیٹ استعمال کیا جاتا ہے،دنیا میں 3 ارب 69 کروڑ سے زائد انٹرنیٹ صارفین ہیں،دنیا میں انٹرنیٹ صارفین کی 50 فیصد تعداد ایشیا میں ہے، ایشیا میں ایک ارب 80 کروڑ سے زائد افراد انٹرنیٹ استعمال کرتے ہیں.

عالمی سروے کی روشنی میں یہ امکان ظاہر کیا گیا کہ سال 2017میں ایشیا کی آبادی 4ارب14 کروڑ تک ہو جائے گی، جبکہ ایشیا کے بعد سب سے زیادہ آبادی افریقہ کی ہوگی.

مزید پڑھیں:انٹرنیٹ ہماری زندگیوں پرتسلط حاصل کررہا ہے، گوگل کے مالک کا دعویٰ

عالمی سروے نے خیال ظاہر کیا کہ افریقہ کی آبادی ایک ارب 24 کروڑ ہوسکتی ہے جبکہ 2017 میں دنیا کی کل آبادی 7ارب 51 کروڑ سے زائد ہونے کا بھی امکان ہے۔

مزید پڑھیں: دنیا بھرمیں انٹرنیٹ استعمال کرنے والوں کی تعداد 3 ارب سے تجاوزکرگئی

یاد رہے گذشتہ سال ورلڈ بینک کی رپورٹس میں کہا گیا تھا کہ دنیا بھرمیں انٹرنیٹ استعمال کرنے والوں کی تعداد تین ارب بیس کروڑسے تجاوزکرگئی ہیں۔