The news is by your side.

Advertisement

ایک ہفتہ پہلے انتظارسےدوستی ہوئی بھائی جیسا تھا،مدیحہ کیانی

کراچی : کراچی کے علاقے ڈیفنس میں  فائرنگ سے جاں بحق ہونے والے انتظار کے قتل کیس میں گاڑی میں موجود لڑکی مدیحہ کیانی کا اپنے بیان میں کہنا ہے ایک ہفتہ پہلے انتظار سے دوستی ہوئی بھائی جیسا تھا، میرےعلم میں نہیں کہ فائرنگ کس نےکی۔

تفصیلات کے مطابق کراچی کے علاقے ڈیفنس میں اے سی ایل سی اہلکاروں کی فائرنگ سے جاں بحق انتظار کے قتل کی تحقیقات میں اہم پیشرفت سامنے آئی، تفتیشی حکام نے واقعے کے وقت گاڑی میں موجود لڑکی کا کاباقاعدہ ابتدائی بیان ریکارڈ کرلیا۔

انتظارکیساتھ گاڑی میں موجود مدیحہ کیانی نے اپنے بیان میں کہا کہ میرےعلم میں نہیں کہ فائرنگ کس نےکی، ایک ہفتہ پہلےانتظارسےدوستی ہوئی بھائی جیساتھا، فائرنگ کے وقت میں اور انتظار گاڑی میں تھے، ہم دونوں ساتھ میں برگرکھانے گئے تھے۔

مدیحہ نے بتایا کہ انتظارسےمیری دوسری یاتیسری ملاقات تھی ، جب فائرنگ ہوئی توگاڑی میں نیچے ہوگئی تھی،بچنے کی کوشش کی، ہر سوال کا جواب دینے کیلئے تیار ہوں، کوئی بھی معلومات ہوتیں تو پولیس کوضروربتاتی۔

لڑکی کے بیان کے مطابق فائرنگ سےپہلےہم نےقریب سےہی2برگرخریدے، برگرلینےکےبعدانتظارکاایک دوست نظرآیا، انتظار نے دوست سےہاتھ ملایا، جس کے کچھ ہی دیر بعد ایک گاڑی ہماری گاڑی کےآگے آئی، گاڑی کے بعد ایک موٹرسائیکل اور دوسری گاڑی بھی آئی، انتظارنےاپنی گاڑی آگےبڑھائی توفائرنگ ہوگئی۔

مدیحہ نے مزید بتایا کہ پیچھے والی گاڑی ریورس ہوئی تو انتظارسے پوچھا کیاہورہاہے؟ گاڑی کو روکنے کے بعد کچھ لوگوں نے گاڑی کے اندر دیکھا اور کچھ اشارہ بھی کیا۔


مزید پڑھیں : بیٹے کا قتل منصوبہ بندی سے کیا گیا، تفتیش سے مطمئن نہیں، والد انتظار


مدیحہ نے کہا کہ فائرنگ کس نے کی وہ نہیں جانتی،ایک کلین شیو شخص بھی وہاں تھا لیکن وہ انتظارکادوست تھا، فائرنگ رکتے ہی گاڑی سے نکلی،رکشے کے پاس گئی،پھر فون لینے واپس گاڑی میں گئی۔

تفتیشی حکام کے مطابق لڑکی کے بیان کی روشی میں تفتیش کو آگے بڑھایا جارہا ہے جبکہ پولیس کا کہنا ہے انتظار کو انٹی کارلفٹنگ سیل کے اہلکاروں نے قتل کیا،کیس میں آٹھ ملزم زیرحراست ہیں۔

دوسری جانب انتظار کے والد کا کہنا ہے کہ لگتاہےمیرےبچےکےقتل کامنصوبہ پہلےسےبنایاگیا، پولیس تفتیش سےمطمئن نہیں ہوں، سی سی ٹی وی فوٹیج کیوں منظرعام پر نہیں لائی جارہی، مدیحہ کو چارے کے طورپراستعمال کیاجاسکتاہے، میرے بچے کو پروٹوکول کا بہت شوق تھا۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں