site
stats
صحت

یوگا کا عالمی دن: نریندر مودی کی اجتماعی یوگا میں شرکت

چندی گڑھ: بھارتی وزیر اعظم نریندر مودی نے یوگا کے عالمی دن کے موقع پر ہزاروں افراد کے ساتھ یوگا کیا۔

تفصیلات کے مطابق بھارت میں یوگا کا دوسرا عالمی دن منایا گیا۔ پورے بھارت میں لاکھوں افراد گھروں سے باہر نکل آئے اور سڑکوں اور پارکوں میں اجتماعی یوگا کی گئی۔

yoga-6

yoga-3

یوگا کا عالمی دن آسٹریلیا میں بھی سڈنی اوپیرا ہاؤس میں منایا گیا جبکہ کابل میں بھارتی سفارتخانے کے عملہ نے بھی مقامی و غیر ملکی افراد کے ساتھ یوگا پریکٹس میں حصہ لیا۔

بھارتی وزیر اعظم نریندر مودی نے چندی گڑھ میں 30 ہزار افراد کے ساتھ یوگا کیا جس میں روایتی سانس کی مشقیں اور مراقبہ کیا گیا۔

مسلم یوگا ٹرینرز کے خلاف متعصبانہ رویے کا بھانڈا پھوڑنے پر بھارتی صحافی گرفتار *

اس موقع پر بھارتی وزیر اعظم نے سفید ٹریک سوٹ نصب کیا ہوا تھا۔

yoga-7

yoga-8

یوگا کے بعد مودی نے حاضرین سے خطاب بھی کیا جس میں انہوں نے یوگا کو اپنی زندگی کا حصہ بنانے پر زور دیا۔ اس اجتماعی یوگا میں طلبا اور فوجیوں سمیت مختلف شعبہ فکر سے تعلق رکھنے والے افراد نے شرکت کی۔

یوگا کا عالمی دن: مودی کو شرکت مہنگی پڑ گئی *

مودی کابینہ کے مختلف وزرا نے بھی مختلف شہروں میں یوگا کی اجتماعی مشقوں میں شرکت کی۔

yoga-4

واضح رہے کہ بھارت نے یوگا کے فوائد کو اجاگر کرنے کے لیے اس کا عالمی دن منانے کی درخواست کی تھی جسے منظور کرتے ہوئے اقوام متحدہ نے 21 جون کو یوگا کا عالمی دن قرار دیا تھا۔

گزشتہ برس مختلف ممالک میں ہزاروں افراد نے اس دن کو منانے کے لیے سڑکوں پر یوگا کی جس میں اقوام متحدہ کے جنرل سیکریٹری بان کی مون بھی شامل تھے۔

yoga-2

بھارت میں بھی گزشتہ برس وزیر اعظم نریندر مودی نے اجتماعی یوگا کی بنیاد ڈالی۔ ان کے مطابق ان کے اس اقدام کا مقصد بھارت کی قدیم ثقافت کے ایک حصہ کو زندہ کرنا ہے۔

یوگا کے دوران لفظ ’اوم‘ پر اعتراض *

بھارت میں اس مقصد کے لیے خاص طور پر وزارت بھی تشکیل دی جاچکی ہے جسے وزارت آیوش کہا جاتا ہے۔ اس وزارت کا کام ملک بھر میں یوگا کے فروغ کے لیے اقدامات کرنا ہیں۔

yoga

گزشتہ برس منائے جانے والی یوگا کے عالمی دن پر بھارتی فوج نے سیاچن گلیشیئرز پر بھی یوگا کی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top