The news is by your side.

Advertisement

نشے میں بدمست سڑک پر پڑا پولیس اہلکار گرفتار، ویڈیو وائرل

کراچی : شراب کے نشے میں دھت پولیس اہلکار مٹی میں پڑا رہا، علاقہ پولیس نے گرفتار کرکے مقدمہ درج کرلیا، سوشل میڈیا پر ویڈیوائرل ہوگئی۔

تفصیلات کے مطابق کراچی کے علاقے گلشن اقبال میں پولیس اہلکار کی نشے میں دھت سڑک پر لیٹنے کی ویڈیو سوشل میڈیا پر وائرل ہوگئی۔

ویڈیو میں دیکھا جاسکتا ہے کہ مذکورہ پولیس اہلکار شراب کی بوتل کے ساتھ مٹی میں بے سدھ لیٹا رہا، وہاں سے گزرنے والے شہری اپنے موبائل فون سے اس کی ویڈیوز بناتے رہے۔

پولیس اہلکار نشے میں اتنا دھت تھا کہ اٹھنے کی سکت بھی نہ تھی، ویڈیو وائرل ہونے کے بعد گلشن اقبال پولیس نے فوری ایکشن لیتے ہوئے اہلکار ذیشان بیگ کو گرفتار کرلیا۔

ملزم کو اس کے پیٹی بھائیوں نے گرفتار کرکے حوالات میں بند کردیا، ملزم ذیشان کیخلاف مقدمہ درج کرکے مزید کارروائی کی جارہی ہے، ذیشان بیگ گلشن چورنگی کے قریب سڑک پر پڑا ہواملا۔

Comments

یہ بھی پڑھیں