کویت سٹی : کویتی وزارت صحت نے کرونا ویکسینیشن سرٹیفکیٹ حاصل کرنے کےلیے منفرد اپیلی کیشن متعارف کرادی۔
غیر ملکی خبر رساں ادارے کی رپورٹ کے مطابق خلیجی ریاست کویت کی جانب سے شہریوں کی صحت کے تحفظ کےلیے خاطر خواہ اقدامات اٹھائے جارہے ہیں ان اقدامات میں الیکٹرانک ویکسینیشن سرٹیفکیٹ کا حصول بھی ایک اقدام ہے۔
کویتی وزارت صحت کی جانب سے Immune نامی اپیلی کیشن لانچ کی گئی ہے جس کے ذریعے شہری ویکسی نیشن سرٹیفکیٹ حاصل کرسکیں گے۔
- Advertisement -
کویتی حکام نے ساتھ ہی سرکاری و نجی میڈیا اداروں کے ملازمین کی ویکسی نیشن کی جامع مہم کا بھی آغاز کردیا ہے جب کہ آئندہ کچھ دنوں میں فیکٹری ورکرز ، فوڈ کمپنیاں اور ریسٹورنٹس ملازمین کی ویکسی نیشن کا آغاز ہوگا۔
