The news is by your side.

Advertisement

نواز شریف کی ویکسین کی جعلی انٹری: ذمہ داران کا تعین کرلیا گیا

لاہور : سابق وزیراعظم نواز شریف کی ویکسین کی جعلی انٹری کے معاملے کی تحقیقات کرنے والی کمیٹی نے سات افراد کو ذمہ دار قرار دے دیا اور کہا واقعہ میں سب سے زیادہ غفلت ایم ایس ڈاکٹر احمد ندیم کی تھی۔

تفصیلات کے مطابق سابق وزیراعظم نواز شریف کی ویکسین کی جعلی انٹری کے معاملے پر انکوائری رپورٹ سامنے آگئی ، انکوائری کمیٹی نے معاملے پر سات افراد کو ذمہ دار قرار دے دیا۔

کمیٹی نے بتایا کہ ویکسی نیشن سنٹر پر تعینات عملہ غیر تربیت یافتہ تھا اور واقعہ میں سب سے زیادہ غفلت ایم ایس ڈاکٹر احمد ندیم کی تھی جبکہ ریکارڈ کی چیکنگ کے دوران بہت سے تضادات پائے گئے ہیں۔

رپورٹ میں کوٹ خواجہ سعید اسپتال کے ویکسی نیشن سنٹر سے متعدد اندراج کو کینسل کئے جانے کا بھی انکشاف ہوا۔

انکوائری کمیٹی نے ایم ایس ڈاکٹر احمد ندیم، ڈاکٹر منیر احمد، کلرک نوید، نرس صبا ریاض، وارڈ بوائے عادل رفیق، چوکیدار ابوالحسن اور ایم ایس کے پی اے رانا مظفر کے خلاف کاروائی کی سفارش کردی ہے۔

انکوائری رپورٹ میں کہا گیا ہے کہ باقی تحقیق ایف آئی اے کرے گا۔

Comments

یہ بھی پڑھیں