The news is by your side.

Advertisement

قومی ٹیم انگلینڈ سے جیت کرواپس آئے گی، انضمام الحق

لاہور : قومی کرکٹ ٹیم کے چیف سلیکٹر انضمام الحق نے کہا ہے کہ امید ہے ہماری ٹیم انگلینڈ سے جیت کر واپس آئے گی، کھلاڑیوں سے غلطیاں بھی ہونگی لیکن شکست سے نہیں ڈرنا چاہئے۔

ان خیالات کا اظہار انہوں نے لاہور میں صحافیوں سے ملاقات میں بات چیت کرتے ہوئے کیا، پاکستان کرکٹ بورڈ کے چیف سلیکٹر انضمام الحق نے کہا  کہ دورہ آئرلینڈ اور انگلینڈ کے لئے سولہ بہترین کھلاڑیوں کا انتخاب کیا گیا ہے، ٹیم میں اتنی صلاحیت موجود ہے کہ انگلینڈ کو شکست دے سکے۔

لاہور سے اے آر وائی نیوز کے شہزاد ملک کی رپورٹ کے مطابق انضمام الحق نے مزید کہا کہ جنوبی ایشیاء کی ٹیموں کیلئے انگلینڈ میں کھیلنا مشکل ہوتا ہے، امید ہے ہماری ٹیم دورہ انگلینڈ سے فاتح بن کر واپس آئے گی۔

منٹو پارک کی ایک تاریخ ہے وہاں کرکٹ کلب ہوتے تھے، منٹو پارک کے کرکٹ کلب ختم ہونا کرکٹ کیلئےاچھا نہیں ہے، انہوں نے کہا کہ جب چیف سلیکٹر بنا تو کوشش تھی کہ نوجوان کھلاڑیوں کو موقع دیا جائے، نوجوان کھلاڑیوں سے غلطیاں بھی ہونگی لیکن ہارسے نہیں ڈرنا چاہیے۔

انہوں نے بتایا کہ انگلینڈ کے موسم سے ہم آہنگ ہونے کیلئے قومی ٹیم کو جلدی بھیجنے کا فیصلہ کیا گیا، نوجوان کھلاڑیوں کو آسٹریلیا، انگلینڈ، نیوزی لینڈ میں کھیلنے کا موقع ملنا چاہئے۔

جنوبی ایشیائی وکٹ سے ہٹ کر کھیلنے سے کھلاڑیوں کو فائدہ ہوگا، چیف سلیکٹر نے کہا کہ16کھلاڑیوں پر مشتمل بہترین ٹیم کو دورہ انگلینڈ پر بھیجا گیا ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں