site
stats
کھیل

ضرورت کو دیکھتے ہوئے ٹیم میں تبدیلیاں کی جائیں گی، انضمام الحق

لاہور : قومی کرکٹ ٹیم کے چیف سلیکٹر انضمام الحق نے کہا ہے کہ ٹیم کی ضرورت کو مدنظر رکھتے ہوئے ٹیم میں تبدیلیاں کی جائیں گی، کپتان مقرر کرنے کا اختیار صرف چیئرمین پی سی بی کے پاس ہے، شکست کے بعد ٹیم میں اکھاڑ پچھاڑ نہیں ہو گی۔

 ان خیالات کا اظہار انہوں نے لاہور میں صحافیوں سے گفتگو کرتے ہوئے کیا۔ انضمام الحق کا کہنا ہے کہ دنیا میں زیادہ تر تینوں فارمیٹس میں کپتان ایک ہی ہیں، تاہم یہ اختیار چیئرمین پی سی بی کے پاس ہے کہ وہ کیا بہتر سمجھتے ہیں۔

نمائندہ اے آر وائی نیوز شہزاد ملک کے مطابق انضمام الحق نے کہا کہ جہاں ضرورت محسوس ہو ئی وہاں ٹیم میں تبدیلی کریں گے، آسٹریلیا کے ہاتھوں شکست کے بعد ٹیم میں اکھاڑ پچھاڑ نہیں ہو گی، جب کوئی چیز ٹھیک نہ ہو تو یہ کہنا ٹھیک نہیں کہ کپتان صیح نہیں ہے۔ جب کوئی کھلاڑی پرفارمنس نہیں دیتا تو سوالات کیے جاتے ہیں۔

ایک سوال کے جواب میں انہوں نے کہا کہ جن کھلاڑیوں کا اسٹرائیک ریٹ بہترہوگا انہیں آگے آنے کا موقع بھی دیں گے۔ قومی کھلاڑی کو اس کی ریٹائرمنٹ پر عزت کے ساتھ الوداع کہنا چاہئیے۔

ہمیں پرانے طرز کی کرکٹ کو چھوڑ کر جدید انداز کو اپناتے ہوئے اسٹرائیک ریٹ بہتر بنانا ہو گا۔ ان کا کہنا تھا کہ ٹیم سلیکشن کے دوران پلیئرز کی کارکردگی کو مدنظر رکھا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top