امریکی ملٹی نیشنل ٹیکنالوجی کمپنی ایپل جلد اپنے آئی فون میں ای سم پیش کرسکتی ہے، یہ بھی کہا جارہا ہے کہ دو ای سم کارڈز بھی ممکن ہیں جس سے ڈیول سم کی فعالیت کو یقینی بنایا جائے گا۔
رپورٹ کے مطابق ایپل نے اپنے آئی فون ایکس آر، ایکس ایس اور ایکس ایس میکس پر ای سم کے لیے حمایت کا اعلان کیا ہے، کم از کم ایک آئی فون 14 ماڈل میں فزیکل نینو سم کارڈ ٹرے ختم کیا جاسکتا ہے۔
گلوبل ڈیٹا تجزیہ کار ایما موہر میک کلون کے مطابق ایپل 2022 میں ایپل ممکنہ طور پر صرف آئی فون 14 کا ای سم ورژن پیش کرے گا۔
یہ بھی کہا جارہا ہے کہ دو ای سم کارڈز بھی ممکن ہیں جس سے ڈیول سم کی فعالیت کو یقینی بنایا جائے گا۔ سم کارڈ سلاٹ کو ہٹانے سے واٹر ریسسٹنس کو مزید بہتر بنایا جا سکتا ہے۔
اس کے علاوہ صرف اعلیٰ ترین آئی فون 14 ماڈلز میں ایپل کی پروموشن ڈسپلے ٹیکنالوجی موجود ہوگی۔
ایپل نے سب سے پہلے آئی فون پر پروموشن کو آئی فون 13 پرو اور آئی فون 13 پرو میکس کے ساتھ ستمبر 2021 میں متعارف کروایا تھا۔ پروموشن مواد کو دیکھنے اور اسکرولنگ کے لیے ڈسپلے 120 ہرٹز تک خود بخود ریفریش ہونے لگتا ہے۔
توقع ہے کہ ایپل اس سال آئی فون 14 کے 4 ماڈلز جاری کرے گا، جس میں دو 6.1 انچ اور 6.7 انچ کے معیاری ماڈلز اور دو 6.1 انچ اور 6.7 انچ کے پرو ماڈل شامل ہیں۔
