بھارت (29 اپریل 2026): انڈین پریمیئر لیگ (آئی پی ایل) کا ایک اور شرمناک اسکینڈل سامنے آ گیا نوجوان بھارتی کرکٹر کو جیل بھی ہو سکتی ہے۔
بھارت میں جاری آئی پی ایل میں آئے روز کوئی نہ کوئی تنازع سامنے آ رہا ہے اور اب ایک اور اسکینڈل منظر عام پر آیا ہے، جس میں ایک فرنچائز کا کپتان نوجوان بھارتی کرکٹر ڈریسنگ روم میں شرمناک حرکت کرتے پایا گیا ہے اور اس کی پاداش میں اس کو جیل بھی ہو سکتی ہے۔
بھارتی میڈیا کے مطابق یہ اسکینڈل راجھستان رائلز اور پنجاب کنگز کے میچ کے درمیان سامنے آیا، جب کیمرے نے ڈریسنگ روم کا رخ کیا تو وہاں راجھستان رائلز کے کپتان ریان پراگ شرمناک حرکت میں مصروف تھے۔
Rr captain Riyan Parag smoking vape in dressing room 🚬 pic.twitter.com/za5BzplJsV
— Cute Lassi 🥤 (@yorkerking01) April 28, 2026
میچ کے دوران لائیو کیمروں میں وہ ڈریسنگ روم میں ویپنگ کرتے ہوئے نظر آئے جس کے بعد سوشل میڈیا پر شائقین کرکٹ شدید ردعمل سامنے آیا۔
ناقدین نے تنقید کرنے کے ساتھ یہ بھی نشاندہی کی کہ اسٹیڈیمز اور خاص طور پر ڈریسنگ رومز میں سگریٹ نوشی یا ویپنگ سختی سے ممنوع ہے۔
واضح رہے کہ بھارت میں 2019 کے قانون ’پروہیبیشن آف الیکٹرانک سگریٹس ایکٹ (پیکا)‘ کے تحت ای سگریٹس اور ویپس کی تیاری، فروخت، خریداری، درآمد و برآمد اور تشہیر پر مکمل پابندی ہے۔ اس قانون کی خلاف ورزی کرنے والوں کو جرمانے اور قید جیسی سزاؤں کا سامنا بھی کرنا پڑ سکتا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں