The news is by your side.

Advertisement

بین الپارلیمانی یونین کی صدر کی لاہور آمد ، وزیراعلیٰ پنجاب سے ملاقات

لاہور : بین الپارلیمانی یونین کی صدرگبریلا کویس نے وزیراعلیٰ پنجاب عثمان بزدار سے ملاقات کی ، ملاقات میں مختلف امور پر تبادلہ خیال کیا گیا۔

تفصیلات کے مطابق بین الپارلیمانی یونین کی صدرگبریلا کویس اسلام آباد کا دورہ مکمل کرکے ایک روزہ دورے پر لاہور پہنچ گئیں، گبریلا کویس نے وزیراعلیٰ پنجاب عثمان بزدار سے ملاقات کی ، ملاقات میں مختلف امور پر تبادلہ خیال کیا گیا۔

بین الپارلیمانی یونین کی صدرگبریلا کویس دورہ لاہور میں گورنر پنجاب چوہدری سرور سے بھی ملاقات کریں گی جبکہ مزار اقبال پر حاضری بھی دیں گی، شاہی قلعے اور عجائب گھر بھی جائیں گی۔

بین الپارلیمانی یونین کی صدر کل خصوصی طیارے کے ذریعے گوادر روانہ ہوں گی۔

یاد رہے بین الپارلیمانی یونین کی صدرگبریلا کویس نے اسلام آباد میں وزیراعظم عمران خان ، چیئرمین صادق سنجرانی سمیت دیگر سے
ملاقات کی۔

خیال رہے کہ بین الپارلیمانی یونین کی صدر چیئرمین سینیٹ صادق سنجرانی کی دعوت پر پاکستان کا دورہ کر رہی ہیں۔ آئی پی یو صدر کی سطح پر دورہ اہم پارلیمانی اور سفارتی پیش رفت قرار دی جا رہی ہے، دوسری طرف اس دورے سے بین الاقوامی سطح پر ملک کے مثبت تشخص کو فروغ دینےمیں مدد ملے گی۔

Comments

یہ بھی پڑھیں