اے آر وائی نیوز کے صارفین اچھی طرح سے واقف ہیں کہ ہم اُن کی دلچپسی کو دیکھتے ہر تھوڑے دن بعد نت نئی ذہنی آزمائشی تصویر لے کر آتے ہیں۔
انٹرنیٹ صارفین کی ذہانت کو جانچنے کے لیے نت نئی پہیلیاں سامنے لانے کا مقصد اُن کی ذہنی آزمائش کو جانچنا ہوتا ہے۔ اسی سلسلے کی کڑی میں ایک اور تصویر سامنے آئی کہ جس میں صارفین کو چیلنج دیا گیا ہے وہ درست جواب تلاش کریں۔
اس طرح کی پہیلیاں مختلف سماجی رابطے کی ویب سائٹس پر لوگوں کی جانب سے اس لیے پوچھی جاتی ہیں کہ صارفین اُن کے جواب بہت دلچسپی کے ساتھ تلاش کرتے ہیں۔
بعض تصاویری پہیلیاں بظاہر تو بہت آسان دکھائی دیتی ہیں مگر جب ان کا جواب تلاش کرنے کے لیے بیٹھا جائے تو ہرسر چکرا کے رہ جاتا ہے۔
انٹرنیٹ پر آئے دن تصویری پہلیاں سامنے آتی رہتی ہیں مگر کچھ معاملات لوگوں کے ذہنوں کو الجھا کر رکھ دیتے ہیں۔ اس تصویر میں آپ ایک بلی کو سیڑھیوں پر دیکھ سکتے ہیں۔
آپ کو صرف یہ ثابت کرنا ہے کہ آپ کی نظر کتنی تیز ہے اور یہ بتانا ہے کہ بلی سیڑھیوں سے اوپر چڑھ رہی ہے یا نیچے اتر رہی ہے؟۔
یہ بات بھی ذہن نشین کرلیں کہ کچھ عرصے پہلے سوشل میڈیا پر ہزاروں نہیں بلکہ لاکھوں افراد کے ذہن اس سوال کے جواب نے گھما کر رکھ دیئے تھے۔
کیا آپ اس معمے کو حل کرنے میں کامیاب ہوئے ؟ اپنے جواب نیچے کمنٹ میں بتانا مت بھولیں۔ تاہم جہاں تک اس کے درست جواب کا تعلق ہے تو وہ وہی دے سکتا ہے جس نے اس تصویر کو کیمرے کی آنکھ میں محفوظ کیا۔
یقینی طور پر آپ بھی تصویر یکھنے کے بعد درست جواب تلاش کرنے کے لیے راستے دیکھ رہے ہوں گے اور خیال ہوگا کہ یہ بلی شاید اوپرسے اتر رہی ہے۔
ویسے تو اس کے کسی بھی جواب پر بحث کی جاسکتی ہے تاہم اگر منطق کو ذہن میں رکھا جائے تو یہ بلی سیڑھیوں سے اتر رہی ہے۔
کیا آپ نے درست جواب تلاش کیا؟ اگر نہیں تو نیچے والی تصویر کو ایک بار پھر غور سے دیکھیں۔
⇓
⇓
⇓
اگر آپ سیڑھیوں کی ساخت کو ذہن میں اجاگر کریں اور پھر تصویر کو دیکھیں تو آپ بلی کے پیروں کے نیچے سیڑھیوں کے سرے کو دیکھ سکتے ہیں۔
اس طرح عام طور پر سیڑھیاں اترتے ہوئے ہی ہوتا ہے۔
