اسلام آباد: پارلیمنٹ ہاؤس میں پی ٹی آئی ارکان اقبال آفریدی اور خرم شہزاد لڑ پڑے۔
اے آر وائی نیوز کے مطابق پارلیمنٹ ہاؤس میں پی ٹی آئی ارکان میں جھگڑا ہوا اس دوران اقبال آفریدی اور خرم شہزاد نے ایک دوسرے کو دھمکیاں بھی دیں۔
چیئرمین پی ٹی آئی بیرسٹر گوہر صلح کروانے کے لیے آگے بڑھے تو اقبال آفریدی نے انہیں بھی کھری کھری سنادیں۔
اقبال آفریدی نے ان سے کہا کہ سب آپ کی غلطی ہے، ہمیں بدنام کرنے کے لیے غنڈے پال رکھے ہیں۔
پی ٹی آئی ارکان کی لڑائی کی ویڈیو سوشل میڈیا پر بھی وائرل ہوگئی جس پر کارکنان کی جانب سے تبصرے کیے جارہے ہیں۔
