تازہ ترین

اقبال ٹاؤن میں پولیس مقابلہ، خطرناک اشتہاری ملزم ہلاک

لاہور : سی آئی اے اقبال ٹاؤن میں ہونے والے پولیس مقابلے میں شہریوں کے قتل میں ملوث اشتہاری ملزم مارا گیا، دوملزمان فرار ہونے میں کامیاب ہوگئے۔

تفصیلات کے مطابق لاہور میں سی آئی اے اقبال ٹاؤن پولیس اور مسلح ملزمان کے درمیان فائرنگ کا تبادلہ ہوا جس میں 3شہریوں کو قتل کرنے والا ریکارڈ یافتہ اشتہاری ملزم عمر گجر ہلاک ہوگیا۔

سی آئی اے پولیس کا کہنا ہے کہ ہلاک ہونے والے ٹارگٹ کلر کا تعلق لالہ شہباز شوٹر گینگ سے تھا، ملزم پہلے بھی3 شہریوں کو قتل کرچکا ہے جس کے مقدمات مختلف تھانوں میں درج ہیں۔

پولیس کے مطابق ملزم عمرگجر مزید2شہریوں کو قتل کرنے کا ارادہ رکھتا تھا، ملزم کےدیگر ساتھی اندھیرے کا فائدہ اٹھا کر فرار ہوگئے۔ ذرائع کا مزید کہنا ہے کہ ہلاک ہونے والے ملزم کی برقع پہن کر ایک شہری کو قتل کرنے کی فوٹیج بھی منظرعام پرآئی تھی۔

Comments

- Advertisement -