واشنگٹن / تہران: امریکی صدر ڈونلڈ ٹرمپ نے ایرانی کشتیاں تباہ کرنے کی دھمکی دے دی جبکہ پاسداران انقلاب نے امریکا کو خبردار کیا ہے کہ اگر کوئی غلطی کی تو امریکا کو بھاری قیمت ادا کرنا پڑے گی۔
سماجی رابطے کی ویب سائٹ ٹویٹر پر جاری اپنے بیان میں ٹرمپ نے امریکی بحریہ کو ہدایت کی کہ اگر ایران کی کشتیاں بحریہ عرب میں موجود امریکی جہازوں کو خوف زدہ کریں تو انہیں تباہ کرنے میں دیر نہ لگائی جائے۔
امریکی صدر نے لکھا کہ ’اگر ایرانی بوٹس امریکی بحری جہازوں کے قریب آئیں تو نیوی اہلکار انہیں فوری طور پر روکیں چاہیے انہیں تباہ کیوں نہ کرنا پڑے‘۔
علاوہ ازیں وائٹ ہاؤس میں بریفنگ کے دوان امریکی صدر نے مزید کہا کہ اب ہم اسی پر برقرار نہیں رہیں گے اگر وہ (ایرانی) ہماری شپس، کریو ممبران اور سیلرز کو خطرات میں ڈالیں گے تو میں انہیں یہ نہیں کرنے دوں گا اور ہم انہیں پانی سے باہر اٹھا کر پھینک دیں گے۔
I have instructed the United States Navy to shoot down and destroy any and all Iranian gunboats if they harass our ships at sea.
— Donald J. Trump (@realDonaldTrump) April 22, 2020
ان کا کہنا تھا کہ یہ ایک دھمکی ہے، ایرانی کشتیاں ہمارے جہاز کے انتہائی قریب آتی ہیں ، ان کی مسلح کشتیوں میں بھی بہت اہم ہتھیار ہیں ۔
دوسری جانب پاسداران انقلاب کے سربراہ نے امریکی صدر کی دھمکی پر ردعمل دیتے ہوئے کہا ہے کہ امریکی بحریہ نے اگر ایک کشتی پر فائرنگ یا کارروائی کی غلطی کی تو ایران فیصلہ کن ردعمل دے گا۔
