تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ایران کا پاکستانیوں کے ویزا کیلئے میڈیکل سرٹیفیکٹ کی شرط ختم کرنے کا اعلان

اسلام آباد : ہمسایہ ملک ایران نے پاکستانی شہریوں کے لیے میڈیکل سرٹیفیکٹ کی شرط ختم کردی۔

تفصیلات کے مطابق ایرانی سفارت خانے نے پاکستانیوں کو خوشخبری سنادی، پاکستان میں تعینات ایرانی سفیرمہدی ہنردوست نے اپنے بیان میں کہا کہ ایران نے پاکستانیوں کے ویزا کے لیے طبی سند کی شرط ختم کرنے کا اعلان کردیا ہے جبکہ میڈیکل سرٹیفکیٹ دینے کی شرط کو ختم کرنے کے عمل کی ایرانی وزیر صحت نے بھی توثیق کردی ہے۔

ایرانی سفارت خانہ کے مطابق یہ قدم پاک ایران تعلقات کومدنظر رکھ کراٹھایا گیا ہے، فیصلےکا مقصد پاکستانی شہریوں کے لیے آمدورفت آسان بنانا ہے۔

ایرانی سفیر کا کہنا ہے کہ آج کے بعد پاکستانی شہریوں کو ایرانی ویزے کے لیے درخواست کےساتھ میڈیکل سرٹیفکیٹ دینے کی کوئی ضرورت نہیں ہے، پاکستانی طبی سند کے بغیر ویزا درخواست دے سکتے ہیں۔

خیال رہے کہ اس سے پہلے ایران جانے کے خواہشمند افراد کو ویزے کی درخواست کے ساتھ میڈیکل سرٹیفکیٹ پیش کرنا ہوتا تھا، جس میں یہ ثابت ہوتا تھا کہ انہیں خطرناک یا وبائی بیماری نہیں جبکہ اس عمل سے ویزوں کے حصول میں طوالت اور خرچے میں بھی اضافہ ہوتا تھا۔


مزید پڑھیں :  انڈونیشیا کا پاکستانی شہریوں کے لیے ویزا قوانین میں نرمی کا اعلان


یاد رہے کہ اس سے قبل انڈونیشیا نے پاکستانی شہریوں پر عائد ویزا قوانین میں نرمی کا اعلان کردیا جس کے بعد اب انہیں ویزا کے لیے پاکستانی اداروں سے کلیئرنس کی ضرورت نہیں ہوگی۔

کویت نے پاکستانیوں پر لگائی گئی ویزا پابندی ختم کردی تھی ،کویت نے پاکستان پر چھ سال قبل ویزا پابندی عائد کی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

Comments

- Advertisement -