واشنگٹن (15 جنوری 2026): امریکی وزارت دفاع کے صدر دفتر پینٹاگون نے ایران پر حملے کے حوالے سے صدر ڈونلڈ ٹرمپ کو مختلف آپشنز پیش کر دیے ہیں۔
امریکی اخبار نیو یارک ٹائمز کی رپورٹ کے مطابق پینٹاگون نے صدر ڈونلڈ ٹرمپ کو ایران کے نیوکلیئر پروگرام اور میزائل تنصیبات کو نشانہ بنانے کی تجاویز پیش کر دی ہیں، آپشنز میں تہران کا نیوکلیئر پروگرام اور بیلسٹک میزائل سائٹس فہرست میں شامل ہیں۔
نیو یارک ٹائمز نے امریکی حکام کے حوالے سے تفصیلات شائع کر دیں جن کے مطابق صدر ڈونلڈ ٹرمپ کو متعدد عسکری آپشنز پر بریفنگ دی گئی، تہران کے داخلی سکیورٹی اداروں اور سائبرحملوں کے آپشنز بھی پیش کیے گئے ہیں۔
یہ بھی پڑھیں: اگر حملہ ہوا تو ہم مشرقی وسطیٰ میں موجود امریکی اڈوں کو نشانہ بنائیں گے، ایران
امریکی حکام نے کہا کہ چند دنوں میں ایران پر حملہ کیا جا سکتا ہے۔
رپورٹ کے مطابق ایران پر حملے کی صورت میں تہران کی جوابی کارروائی پر بھی غور کیا گیا، امریکی بحریہ کے 3 میزائل بردار ڈسٹرائر مشرق وسطیٰ میں موجود ہیں، یو ایس ایس روزویلٹ حالیہ دنوں میں بحیرہ احمر میں داخل ہو چکا ہے جبکہ ایک میزائل بردار آبدوز بھی خطے میں موجود ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں