لندن : برطانوی خبر رساں ادارے نے دعویٰ کیا ہے کہ ایران پر امریکا کے فوری حملے کا خطرہ بڑھ گیا ہے، ، تمام اشارے ظاہر کرتے ہیں عنقریب حملہ ہوسکتا ہے۔
رپورٹ کے مطابق برطانوی خبر ایجنسی نے مغربی فوجی حکام کے حوالے سے دعویٰ کیا ہے کہ اچانک حملہ امریکی فوج کی حکمت عملی کا حصہ ہوگا، ایران نے اپنی فضائی حدود تمام پروازوں کیلئے بند کردی ہے۔
برطانیہ نے عارضی طور پر تہران میں سفارتخانہ بند کردیا، مغربی ممالک نے اپنے شہریوں کو ایران سے فوری نکلنے کی ہدایت جاری کردی ہے۔
دوسری جانب ایران نے خبردار کیا ہے کہ اگر امریکہ نے حملہ کیا تو وہ خطے میں موجود امریکی اڈوں کو نشانہ بنائے گا، جس کے بعد بڑھتی ہوئی کشیدگی کے پیشِ نظر امریکہ نے مشرقِ وسطیٰ میں اپنے بعض فوجی اڈوں سے عملے کو واپس بلانا شروع کر دیا ہے۔
دو یورپی عہدیداروں کے مطابق آئندہ 24 گھنٹوں میں ایران پر امریکی فوجی مداخلت ہوسکتی ہے جبکہ ایک اسرائیلی عہدیدار کا بھی کہنا ہے کہ بظاہر ٹرمپ مداخلت کا فیصلہ کرچکے ہیں، تاہم اس کی نوعیت اور وقت ابھی واضح نہیں۔
ایران پر کیسے حملہ کیا جائے؟ پینٹاگون نے ٹرمپ کو آپشنز پیش کر دیے
اے آر وائی نیوز کی ڈیجیٹل ڈیسک کی جانب سے شائع کی گئی خبریں