میونخ ایرانی وزیرخارجہ جواد ظریف کا کہناہےکہ امریکہ دھمکیاں دینا بندکرے،ایران ان دھمکیوں سے ڈرنے والا نہیں ہے۔
تفصیلات کےمطابق جرمنی کے شہر میونخ میں ہونے والی 53 ویں سیکورٹی کانفرنس میں ایران کے وزیرخارجہ جوادظریف نے کہاکہ حالیہ بیلسٹک میزائل کے تجربے کے بعد امریکہ نئی پابندیاں لگا کر ایران کواشتعال دلاناچاہتاہے۔
ایرانی وزیرخارجہ نے امریکہ کو خبردار کیا کہ اگر ایران پرامریکہ کی جانب سے مزید پابندیاں لگائی جاتی ہیں تو ایران بھی اس کا بھرپور انداز میں جواب دےگا۔
خیال رہےکہ سیکورٹی کانفرنس میں امریکی نائب صدر مائیک پنس نےاپنے خطاب میں یورپی ممالک سے تعلقات پر بات کی اور اس کے علاوہ انہوں نے ایران کودنیا میں دہشت گردی کو اسپانسر کرنے والا ملک قراردیا۔
سعودی عرب اور اسرائیل کی جانب سے بھی اسی کانفرنس میں ایران کو خطے کے لیے سب سے بڑاخطرہ قرار دیاتھا۔
ایران کے وزیرخارجہ جواد ظریف کا کہناتھاکہ گزشتہ 38سالوں سے امریکی پالیسیاں ایران کے لیے کبھی دوستانہ نہیں رہی ہیں۔
یاد رہےسال 2015 میں کہ امریکہ کے سابق صدر باراک اوباما کے دورِ حکومت میں ایران اور چھ عالمی طاقتوں کے درمیان تاریخی جوہری معاہدہ ہوا تھا۔
مزید پڑھیں:ایران دہشتگردی کی معاونت کرنے والاسب سےبڑاملک قرار‘جیمز میٹس
واضح رہےکہ رواں ماہ 5فروری کو امریکی وزیر دفاع جیمز میٹس نے ایران کو دہشت گردی میں معاونت کرنے والا دنیا کا سب سے بڑا ملک قرار دیاتھا۔
