The news is by your side.

ایران، گورنر کو تھپڑ جڑ دیا

تبریز: ایران کے صوبائی گورنر کو تقریب کے دوران ایک شخص نے تھپڑ جڑ دیا۔

بین القوامی میڈیا رپورٹ کے مطابق ایران کے صوبے آزربائیجان کے نومنتخب گورنر  کو تقریب کے دوران ایک شخص نے اسٹیج پر جاکر تھپڑ رسید کیا اور تشدد کی کوشش بھی کی۔

یہ تقریب صوبائی دارالحکومت تبریز میں جاری تھی، جس میں جب نئے گورنر عابدین خرم اسٹیج پر تقریر کے لیے پہنچے تو  ایک شخص دائیں طرف سے نکلا اور آکر منہ پر تھپڑ رسید کردیا۔

رپورٹ کے مطابق عابدین خرم سپاہِ پاسداران انقلاب کے سابق کمانڈربھی ہیں جنہیں‌ حال ہی میں‌ ابراہیم رئیسی نے آزربائیجان کا گورنر منتخب کیا ہے۔

تقریب میں موجود سیکیورٹی اہلکاروں نے حملہ کرنے والے شخص کو حراست میں لے کر تھانے منتقل کیا اور دہشت گردی کا مقدمہ درج کر کے تحقیقات کا آغاز کردیا۔

ایرانی میڈیا رپورٹ کے مطابق عابدین خرم  گورنر کا عہدہ سنبھالنے کے بعد کسی بھی پہلی تقریب میں شریک ہوئے تھے۔

Comments

یہ بھی پڑھیں