The news is by your side.

Advertisement

ایران کا وزیر اعظم عمران خان کی ثالثی کی کوشش کا خیرمقدم

سعودیہ ہمارا پڑوسی ہے اس لیے سعودی عرب کے ساتھ مذاکرات کے دروازے کھلے ہیں، جواد ظریف

تہران :ایرانی وزیر خارجہ جواد ظریف نے وزیر اعظم پاکستان کی ثالثی کی کوششوں کا خیر مقدم کرتے ہوئے کہا ہے کہ ریاض اور تہران کے پاس بات چیت کے علاوہ کوئی چارہ نہیں ہے،بات چیت براہ راست ہو یا کسی ثالث کے ذریعےایران تیار ہے اورسعودیہ کے ساتھ مذاکرات کے دروازے کھلے ہیں۔

تفصیلات کے مطابق ایرانی وزیر خارجہ جواد ظریف نے غیر ملکی نشریاتی ادارے کو انٹرویو دیتے ہوئے کہا کہ وزیراعظم پاکستان جناب عمران خان صاحب کی ایران اور سعودیہ کے درمیان ثالثی کی کوششوں کا احترام و خیر مقدم کرتے ہیں۔

جوا د ظریف کا کہنا تھا کہ سعودی عرب اور ایران کے پاس آپس میں گفتگو سےمسئلہ حل کرنے کے سوا کوئی چارہ نہیں ہے اور ایران سعودی عرب کے ساتھ بات چیت کرنے کو ہمیشہ تیار ہے۔

ایرانی وزیر خارجہ کا کہنا تھا کہ ہم نے کبھی ثالث کار کو انکار نہیں کیاہم ہمیشہ پڑوسی ملک سعودی عرب سے ثالثی یا براہ راست مذاکرات کے لیے تیار ہیں کیونکہ سعودیہ ہمارا ہمسایہ ملک ہے اور پڑوسی کے ساتھ ہمیشہ رہنا ہے اس لیے سعودیہ کے ساتھ مذاکرات کے دروازے کھلے ہیں۔

ان کا مزید کہنا تھا کہ صیہونی ریاست اسرائیل مشرق وسطیٰ میں سب سے بڑا خطرہ ہے کیونکہ صیہونی ریاست جوہری ہتھیار حامل ہے اور وہ تخفیف اسلحہ کے کسی بھی عالمی معاہدے میں شامل نہیں ہے۔

Comments

comments

یہ بھی پڑھیں