واشنگٹن (10 مارچ 2026): امریکی سینٹکام نے ایران پر حملے کی 10 دن کی تفصیلات جاری کر دیں۔
سینٹکام کا کہنا ہے کہ ایران میں دس دنوں میں 5 ہزار سے زائد اہداف کو نشانہ بنایا گیا، ایرانی بحریہ کے 50 سے زائد جہاز تباہ یا شدید نقصان کا شکار ہوئے ہیں، خطرہ بننےوالے مقامات کو ترجیحی بنیاد پر نشانہ بنایا گیا۔
سینٹ کام نے ایکس پر ویڈیو شیئر کرتے ہوئے لکھا ایرانی میزائل لانچرز کی تلاش بند نہیں کریں گے، جیسے ہی ایرانی میزائل لانچرز ملیں گے، ہم انھیں تباہ کر دیں گے۔
U.S. Central Command released footage of strikes on concealed Iranian ballistic missile launchers. pic.twitter.com/sUsBMy0lrN
— OSINTdefender (@sentdefender) March 10, 2026
سینٹکام نے کہا بی 1، بی 2 اور بی 52 اسٹریٹجک بمبار طیاروں سے حملے کیے گئے، ایم 142 ہائی موبلٹی آرٹلری راکٹ سسٹم استعمال کیے گئے، ایم کیو 9 ریپر ڈرونز اور لوکس ڈرونز سے نگرانی اور حملے جاری ہیں۔
اسرائیل ایران جنگ سے متعلق تمام خبریں یہاں پڑھیں
مزید بتاتے ہوئے سینٹ کام نے کہا ایران میں نشانہ بنائے گئے اہم اہداف میں کمانڈ اینڈ کنٹرول سینٹرز شامل ہیں، پاسداران انقلاب کے ہیڈکوارٹرز، ایرانی انٹیلی جنس مراکز، فضائی دفاعی نظام کو نشانہ بنایا گیا۔ ایرانی بحریہ کے جہازوں کے ساتھ آبدوزوں کو بھی نشانہ بنایا۔ اینٹی شپ میزائل سائٹس اور فوجی مواصلاتی نظام تباہ کر دیا۔ بیلسٹک میزائل اورڈرون بنانے والی تنصیبات پر حملے کیے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں