The news is by your side.

Advertisement

ایران کی جوہری تنصیب کے قریب دھماکا

تہران: ایران کے شہر نطنز میں جوہری سائٹ کے قریب ایک زور دار دھماکے کی آواز سنی گئی۔

غیرملکی خبررساں ادارے کی رپورٹ کے مطابق ایرانی خبررساں ایجنسیوں کا کہنا ہے کہ شہر نطنز کے قریب ایک بڑے دھماکے کی اطلاع ہے جہاں جوہری مقامات ہیں لیکن اس واقعے کی کوئی سرکاری وضاحت نہیں آئی ہے۔

مقامی ذرائع نے نطنز میں دھماکے کی آواز سننے کی اطلاع دی ہے، دھوئیں کے بادل آسمان میں دکھائی دئیے۔

ابھی تک کسی سرکاری ذریعے نے اس رپورٹ کی تصدیق یا تردید نہیں کی ہے، دھماکے کی آواز سنی گئی جس کے ساتھ آسمان پر تیز روشنی بھی تھی۔

گورنر کے حوالے سے کہا گیا ہے کہ اس بارے میں کوئی صحیح تفصیلات دستیاب نہیں ہیں۔

ایران کے شہر میں ہونے والے دھماکے میں فوری طور پر کسی جانی یا جوہری تنصیبات کو نقصان پہنچنے کی اطلاع نہیں ملی ہے۔

خیال رہے کہ اس سے قبل گذشتہ سال جولائی میں بھی نطنز جوہری پلانٹ میں ہونے والے دھماکے میں جوہری تنصیبات کو جزوی نقصان پہنچا تھا اور بعد ازاں ایرانی حکام نے تصدیق کی تھی یہ واقعہ تخریب کاری کا نتیجہ تھا۔

Comments

یہ بھی پڑھیں