ایران نے مسئلہ کشمیر پر ثالثی کی پیشکش کردی -
The news is by your side.

Advertisement

ایران نے مسئلہ کشمیر پر ثالثی کی پیشکش کردی

تہران : ایران نے مسئلہ کشمیر پر پاکستان اور بھارت کو ثالثی کی پیشکش کردی۔

ایرانی وزیر خارجہ نے بھارت پاکستان کے مابین بہتر تعلقات کی خواہش کا اظہار کرتے ہوئے کشمیر مسئلے کو حل کرنے کیلئے ثالثی کی پیشکش کی اور کہا کہ  جنوبی ایشیا کے خطے میں بھارت پاکستان کے درمیان بہتر تعلقات لازمی ہے او ایسا تب ہی ممکن ہو سکتا ہے جب دونوں ممالک اپنے پیچیدہ اور دیریانہ مسائل حل کرنے کیلئے سنجیدگی کا مظاہرہ کرے۔

ایرانی وزیر خارجہ محمدجواد ظریف نے کہا کہ ایران کے پاکستان اور بھارت کے ساتھ بہترین تعلقات ہیں، ایران بھارت اور پاکستان سے اپنا رشتہ ختم نہیں کرنا چاہتا۔

جواد ظریف نے کہا کہ اگر پاکستان اور بھارت چاہیں تو ایران مسئلہ کشمیر پر دونوں ممالک میں ثالثی کیلئے تیار ہے۔


مزید پڑھیں : مقبوضہ کشمیر میں مظالم قابلِ مذمت ہیں، ایرانی سفیر


انہوں نے کہاکہ پاکستان اور بھارت کیلئے نیک خواہشات رکھتے ہیں اور دونوں ملکوں کے درمیان اچھے تعلقات کے خواہاں ہیں۔

واضح رہے کہ ایران کی جانب سے پاکستان اور بھارت کے درمیان مسئلہ کشمیر پر مصالحت  کی پیش کش ایک ایسے وقت میں سامنے آئی ہے جب پاکستان کی جانب سے وزیراعظم کے خارجہ امور کے مشیر سرتاج عزیز ہارٹ آف ایشیا کانفرنس میں شرکت کے لیے بھارت میں موجود ہیں۔

Comments

comments

یہ بھی پڑھیں