The news is by your side.

Advertisement

سعودی حکومت نے ایرانی شہریوں کو حج ادائیگی کی اجازت دے دی

ریاض: ایرانی حکام سے کامیاب مذاکرات کے بعد سعودی حکومت نے رواں برس ایرانیوں کو حج کی ادائیگی کے لیے اجازت دے دی۔

سعودی خبررساں ادارے کے مطابق وزارتِ حج اور سعودی حکومت کے درمیان ہونے والے مذاکرات میں یہ معاہدہ طے پایا کہ ایرانی شہری رواں سال 1438 ہجری کے حج کی ادائیگی کر سکیں گے۔ دونوں ممالک کے درمیان معاہدہ طے پایا ہے کہ ایرانی شہری بھی دیگر ممالک کی طرح سعودی قوانین کی مکمل پاسداری بھی کریں گے۔

سعودی وزیر نے کہاکہ ’’خانہ کعبہ اسلامی اثاثہ ہے اور یہاں آکر فریضہ مقدس ادا کرنے والوں کو حکومت خوش آمدید کہے گی چاہیے اُن کا تعلق کسی بھی رنگ و نسل یا قوم سے ہو‘‘۔

یاد رہے گزشتہ برس ایران اور سعودیہ کے درمیان تنازعات شدت اختیار کرگئے تھے جس کے بعد 60 ہزار سے زائد ایرانی حجاج مقدس فریضہ ادا نہیں کرسکے تھے اور دونوں ممالک کے درمیان مذاکرات بھی ناکام رہے تھے۔

شام اور یمن میں جاری جنگ کے باعث ایران اور سعودیہ کے درمیان تعلقات کشیدہ ہوئے تھے کیونکہ دونوں ممالک ایک دوسرے پر عسکریت پسندوں کی مدد کا الزام عائد کررہے تھے۔

Print Friendly, PDF & Email

Comments

comments

یہ بھی پڑھیں