The news is by your side.

Advertisement

ایران نے مسجد کے گنبد پر سرخ جھنڈا لہرا دیا، امریکا ایران جنگ خطرہ بڑھ گیا

ایرانی جنرل قاسم سلیمانی کی میت ایران کے شہر اہواز پہنچا دی گئی

تہران: امریکا ایران کشیدگی بڑھتی جا رہی ہے، ایران نے اپنے تاریخی شہر قم کی تاریخی مسجد جمکران پر سرخ علم لہرا دیا ہے۔

تفصیلات کے مطابق ایرانی میڈیا نے کہا ہے کہ ایران کے شہر قم میں مسجد کے گنبد پر سرخ جھنڈا لہرا دیا گیا ہے، جس کا مطلب ہے کہ ایران جنگ کے لیے تیار ہے، عوام بھی تیار رہیں۔

ایرانی میڈیا کا کہنا ہے کہ تاریخی مسجد جمکران کے گنبد پر سرخ علم لہرایا جانا ایران کی جانب سے انتباہ ہے، ملکی تاریخ میں ایسا پہلی بار کیا گیا ہے، جو آنے والے دنوں میں کسی انتہائی شدید جنگ کی علامت کو ظاہر کرتا ہے۔ اس اقدام کا ایک مقصد جنرل قاسم سلیمانی کو خراج عقیدت پیش کرنا بھی ہے۔

ایران میں 52 مقامات نشانے پر ہیں، امریکی صدر کی ایران کو بڑی دھمکی

ادھر ایرانی جنرل قاسم سلیمانی کی میت ایران کے شہر اہواز پہنچا دی گئی ہے، جس کے لیے ہزاروں افراد جمع ہو گئے، امریکی حملے میں ہلاک ایرانی جنرل کی تدفین منگل کو کرمان میں ہوگی۔

دوسری طرف امریکی ایوان نمایندگان کی اسپیکر نے امریکی صدر سے ایرانی جنرل پر حملے کی تفصیلات فوری طور پر طلب کر لی ہیں، نینسی پلوسی نے کہا کہ ٹرمپ انتظامیہ آیندہ کی پالیسی سے متعلق بھی ایوان نمایندگان کو فوری آگاہ کرے۔

’ہم سب سے بڑے ہیں‘ ٹرمپ کی نئی بھڑک کا جواب ایرانی ہیکرز نے دے دیا

واضح رہے کہ آج امریکی صدر ٹرمپ نے ایران کو بڑے حملے کی دھمکی دیتے ہوئے کہا ہے کہ ایران میں 52 مقامات امریکی میزائلوں کے نشانے پر ہیں۔ ادھر ایرانی ہیکرز نے امریکا کو جواب دیتے ہوئے فیڈرل ڈیپوزیٹری لائبریری پروگرام کی ویب سائٹ ہیک کر دی ہے، ہیکرز نے آیت اللہ خامنہ ای کی تصویر اور ایرانی پرچم ویب سائٹ پر لگایا۔

fb-share-icon0
Tweet 20

Comments

comments

یہ بھی پڑھیں