The news is by your side.

Advertisement

سعودی ایران تنازعے میں پاکستان غیر جانبدار رہے، فاروق ستار

کراچی : ایم کیو ایم رہنما ڈاکٹر فاروق ستار نے حکومت کو مشورہ دیا ہے کہ سعودی ایران تنازعے میں پاکستان غیر جانبدار رہے،وزیر اعظم فوری آل پارٹیز کانفرنس بلا کر قومی مشاورت سے فیصلہ کریں۔

نائن زیرو پر ملکی سیاسی صورتحال اور ایران سعودی عرب کشیدگی کے پیش نظر اتحاد بین المسلمین کانفرنس کا انعقاد کیا گیا ۔ جس میں مختلف مکاتب فکر کے علمائے کرام اور مفکرین نے شرکت کی۔

تقریب سے خطاب میں ڈاکٹر فاروق ستار نے کہا کہ پاکستان کو بین القوامی سطح پر کسی بھی قسم کی محاذ آرائی اور کشیدگی کا حصہ نہیں بنا چاہیے۔

متحدہ رہنماء نے وزیر اعظم کو مشورہ دیا کہ فوری طور پر آل پارٹیز کانفرنس طلب کرکے ایران سعودی عرب معاملے پر قومی مشاورت کی جائے، کانفرنس میں علمائے کرام نے ملک میں مذہبی ہم آہنگی، اتحاد کے قیام اور افراتفری کے خاتمے پر زور اور ہاتھوں کی زنجیر بنا کر پیغام دیا کہ ملک میں انتشار اور تفرقہ کسی صورت نہیں پھیلانے دیا جائے گا ۔

Comments

comments

یہ بھی پڑھیں