تازہ ترین

ایران ایٹمی پروگرام میں توسیع کا اقدام مزید پابندیوں کا باعث بنے گا: مائیک پومپیو

واشنگٹن: امریکا کے سیکریٹری آف اسٹیٹ مائیک پومپیو نے ایران کو دھمکی دی ہے کہ اس کی جانب سے ایٹمی پروگرام میں توسیع کا اقدام ایران کے خلاف مزید پابندیوں کا باعث بنے گا۔

تفصیلات کے مطابق گزشتہ روز ایران نے یورینیم افزودہ کرنے کی حد سے تجاوز کرنے کا اعلان کر دیا ہے، جس پر مائیک پومپیو نے کہا ہے کہ ایران کے اس اقدام کے بعد ایران پر تنہا کرنے والی مزید پابندیاں عاید ہوں گی۔

مائیک پومپیو نے کہا کہ ایران کی حکومت جوہری ہتھیاروں سے مسلح ہے، ایران کا ایٹمی پروگرام میں مزید اضافہ دنیا کے لیے زیادہ خطرہ بنے گا۔

خیال رہے کہ ایران نے گزشتہ روز چند گھنٹوں میں 2015 میں عالمی طاقتوں سے کیے گئے معاہدے کے تحت یورینیم افزودہ کرنے کی حد سے تجاوز کرنے کا اعلان کیا۔

یہ بھی پڑھیں:  ایران کا یورینیم افزودہ کرنے کی مخصوص حد سے دوبارہ تجاوز کرنے کا اعلان

عرب میڈیا کے مطابق ایرانی اٹامک ایجنسی کے ترجمان بہروز کمال وندی نے کہا تھا کہ نئی سطح پر یورینیم افزودہ کرنے سے متعلق تکنیکی تیاریاں چند گھنٹوں میں مکمل ہو جائیں گی اور 3.67 فی صد سے زیادہ یورینیم افزودہ کی جائے گی۔

ایران کے نائب وزیر خارجہ عباس اراغچی نے کہا تھا کہ تہران ہر 60 دن بعد معاہدے پر عمل درآمد میں کمی کو جاری رکھے گا جب تک تمام فریقین امریکی صدر ڈونلڈ ٹرمپ کی جانب سے عاید کی گئی پابندیوں سے بچانے کی کوشش نہیں کرتے۔

Comments

- Advertisement -