تہران: ایرانی صدر مسعود پیزشکیان کا کہنا ہے کہ ان کا ملک اپنے جوہری پروگرام پر حد سے زیادہ مطالبات کے سامنے نہیں جھکے گا۔
عرب خبر رساں ادارے کی رپورٹ کے مطابق ایرانی صدر مسعود پیزشکیان نے انقلابِ ایران کی 47 ویں سالگرہ کے موقع پر دارالحکومت تہران کے آزادی سکوائر پر تقریر میں کہا کہ ایران ضرورت سے زیادہ مطالبات تسلیم نہیں کرے گا۔
اُن کا کہنا تھا کہ ایران جارحیت کے سامنے نہیں جھکے گا لیکن ہم خطے میں امن قائم کرنے کے لیے ہمسایہ ممالک کے ساتھ اپنی پوری طاقت سے مذاکرات جاری رکھے ہوئے ہیں۔
ایرانی صدر نے کہا کہ ان کا ملک اپنے جوہری پروگرام کی کسی بھی تصدیق کے لیے تیار ہے اور اصرار کیا کہ تہران جوہری ہتھیار نہیں چاہتا۔
ایران نے اپنے میزائل پروگرام پر سمجھوتہ کرنے سے انکار کر دیا
مسعود پیزشکیان نے واضح کیا کہ ہم جوہری ہتھیار حاصل کرنے کے خواہاں نہیں ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں