امریکا کی نئی پابندیاں، ایران نے بین الاقوامی قواعد کے خلاف قرار دے دیا
The news is by your side.

Advertisement

ایران نے امریکی پابندیوں کو بین الاقوامی قوانین کی خلاف ورزی قراردے دیا

تہران:  امریکا کی جانب سے ایران پر عائد کردہ نئی اقتصادی پابندیوں کوتہران نے بین الاقوامی قوانین کی خلاف ورزی قرار دے دیا۔

تفصیلات کے مطابق امریکا نے گزشتہ روز ایران پر نئی اقتصادی پابندیاں عائد کی ہیں، جس سے ایرانی تیل کی برآمدات اور دیگر مالیاتی شعبے متاثر ہوں گے۔

غیر ملکی خبر رساں ادارے کے مطابق پابندیوں کے ردعمل میں ایرانی صدر حسن روحانی کا کہنا ہے کہ ایران امریکی اقدام کا بھرپور اور فخریہ انداز میں مقابلہ کرے گا۔

انہوں نے کہا کہ اس وقت ایران معاشی جنگ کی صورت حال میں ہے اور ہم ایک ڈرانے دھمکانے والی عالمی طاقت کا مقابلہ کر رہے ہیں۔

حسن روحانی کا امریکی صدر ڈونلڈ ٹرمپ پر تنقید کرتے ہوئے کہنا تھا کہ امریکا کی تاریخ میں آج تک کوئی ایسا شخص وائٹ ہاؤس میں داخل ہوا ہو جو قانون اوربین الاقوامی معاہدوں کا اس قدر مخالف ہو۔

ایران پر مزید امریکی پابندیوں کا اطلاق آج سے ہوگا، حسن روحانی کی شدید مذمت

ان کا کہنا تھا کہ امریکا چاہتا ہے کہ ایرانی تیل کی فروخت صفر پر آجائے، مگر ہم اپنے تیل کی فروخت جاری رکھیں گے، اور ہرقسم کے حالات کا سامنا کرنے کے لیے تیار ہیں۔

ایرانی صدر کا مزید کہنا تھا کہ امریکا مسلسل مذاکرات کرنے کا پیغام بھیج رہا ہے لیکن اس تناظر میں مذاکرات نہیں ہوسکتے، انہیں پہلے پابندیاں ختم کرنی ہوں گی۔

خیال رہے کہ گذشتہ روز حسن روحانی نے کہا تھا کہ امریکی پابندیاں وائٹ ہاؤس کی اخلاقی اور سیاسی پستی کو ظاہر کرتی ہیں، امریکا ایران کے خلاف اس نئی سازش میں کامیاب نہیں ہوگا۔

Comments

comments

یہ بھی پڑھیں