site
stats
فوڈ

مزیدار ایرانی تکے بنانے کی ترکیب

غیر ملکی کھانے اپنے مقامی مصالحوں اور مختلف طریقہ تیاری کے باعث علیحدہ ذائقوں کے حامل ہوتے ہیں اور زبان کا ذائقہ تبدیل کرنے کے لیے غیر ملکی پکوان بنانے سے بہتر کوئی طریقہ نہیں۔

اسی لیے ہم آج آپ کو ایرانی تکے بنانے کی ترکیب بتا رہے ہیں جو نہایت آسانی سے تیار کیے جاسکتے ہیں۔

اجزا

گوشت (پارچوں کی شکل میں): 1 کلو

پسا ہوا گرم مصالحہ: 3 چٹکی

نوشادر ( ٹکیہ کی شکل میں ملتا ہے): 6 ماشہ

ثابت لال مرچیں: 21 عدد

خشک دھنیہ: 9 ماشہ

پیاز: نصف پاؤ

خشک انجیر: 2 عدد

دہی: 1 پاؤ

گھی: حسب ضرورت

نمک: حسب ضرورت

ترکیب

پیاز کو باریک کتریں۔ لال مرچوں کو ہاون دستہ یا کونڈے میں موٹا موٹا کوٹ لیں۔ دھنیہ باریک پیس لیں یا پسا ہوا لیں۔

نوشادر کو سل پر پیس کر خوب باریک کر لیں یا اسے آگ پر رکھ کر پھیلا دیں اور پیس کر اس کا سفوف بنا لیں۔

انجیروں کو سل پر بٹے کی ضربوں سے کچل کر پھیلا لیں۔ پھر ان سب کو ملا کر پیس لیں۔

گوشت کے پارچوں کو دہی کے نمکین پانی سے خوب اچھی طرح دھو لیں اور کسی موٹے کپڑے پر پھیلا کر کسی سایہ دار جگہ میں خشک کریں۔

اب پسی ہوئی تمام چیزوں کو دہی پھینٹ کر اس میں ملا دیں اور خشک کیے ہوئے گوشت کے پارچوں پر لگا دیں۔

انہیں 4 گھنٹے تک اسی حالت میں رہنے دیں پھر ان پر گھی لگائیں اور سیخوں پر چڑھا کر دھاگہ اوپر لپیٹ کر کوئلے کی آگ پر سینک لیں۔

مزیدار ایرانی تکے تیار ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top