The news is by your side.

پاکستانی پاسپورٹ اور شناختی کارڈ پرشارجہ جانے والا مبینہ ایرانی شہری گرفتار

کراچی : ایف آئی اے ایمیگریشن نے پاکستانی پاسپورٹ پر شارجہ جانے والے ایرانی باشندے کو حراست میں لے لیا۔

تفصیلات کے مطابق ایف آئی اے ایمیگریشن نے کراچی کے جناح انٹرنیشنل ایئرپورٹ پر کارروائی کی۔

کارروائی میں پاکستانی پاسپورٹ اور شناختی کارڈ پر شارجہ جانے والے مبینہ ایرانی شہری کو گرفتار کرلیا۔

نوید نامی ملزم کودستاویزات کی چیکنگ کےدوران مشتبہ جان کر آف لوڈ کیاگیا، ذرائع نے بتایا ہے کہ ملزم ایرانی زبان کے علاوہ کوئی بھی مقامی زبان بولنے سے قاصر ہے۔

دوران تفتیش ملزم کراچی میں اپنا کوئی حوالہ پیش نہ کرسکا،ملزم کے موبائل فون پر سارے نام اور نمبر ایرانی زبان میں درج تھے۔

ذرائع کا کہنا تھا کہ مبینہ ایرانی شہری نےشناختی کارڈاورپاسپورٹ ایجنٹ کی مددسےحاصل کیا تاہم ملزم کو مزید کارروائی کے لئے انسداد انسانی اسمگلنگ سرکل منتقل کر دیا گیا ہے۔

Comments

یہ بھی پڑھیں