پاک ایران مشترکہ دشمن سے ہوشیار رہے، جو ہمیں گروپس میں تقسیم کرنا چاہتا ہے، ایرانی سفیر
The news is by your side.

Advertisement

پاک ایران مشترکہ دشمن سے ہوشیار رہے، جو ہمیں گروپس میں تقسیم کرنا چاہتا ہے، ایرانی سفیر

کوئٹہ : ایرانی سفیر مہدی ہنردوست کا کہنا ہے کہ سی پیک گیم چینجر منصوبہ ہے،ایران اور پاکستان دہشت گردی سے متاثرہ ہیں، پاک ایران مشترکہ دشمن سے ہو شیار رہے، جو ہمیں گروپس میں تقسیم کرنا چاہتا ہے۔

تفصیلات کے مطابق ایرانی سفیر مہدی ہنردوست نے کوئٹہ میں پریس کانفرنس کرتے ہوئے کہا ایران پاکستان سےمضبوط تعلقات کا خواہاں ہے، ایران اور پاکستان دہشت گردی سے متاثرہیں، اسلامی ممالک کی پاکستان میں سرمایہ کاری کا خیر مقدم کریں گے، سی پیک گیم چینجر منصوبہ ہے۔

ایرانی سفیر کا کہنا تھا کہ ایران اور پاکستان دہشگردی سے متاثرہ ہیں دہشت گردی کے خاتمے اور علاقائی تعاون کے حوالے سے دونوں ممالک ایک پیج پر ہیں، دشمن ممالک اسلامی ممالک میں دوریاں پیدا کرنا چاہتے کوششوں میں مصروف ہیں۔

مہدی ہنردوست نے کہا کہ ایران کسی بین الاقوامی دباو کا شکار نہیں ہوگا، پاک ایران مشترکہ دشمن سے ہو شیار رہے جو ہمیں گروپس میں تقسیم کرنا چاہتا ہے، بڑی طاقتوں کے دوہرے سیاسی معیار کو سمجھنا ہوگا، بڑی طاقتیں دہشتگردی کی تعریف اپنے مقصد کے لئے کرتی ہیں۔

ان کا کہنا تھا کہ ایران کے جانب سے پاکستان کیلئے گیس لائن مکمل ہے پاک ایران گیس لائن توانائی کے بحران کے خاتمے اور روز گار کے نئے مواقع پیدا کرے گا۔

یاد رہے اگست کے آخر میں ایران کے وزیر خارجہ جواد ظریف نے پاکستان کا دورہ کیا تھا، اپنے دورے کے دوران جواد ظریف نے وزیرخارجہ شاہ محمود قریشی ، وزیراعظم عمران خان اور آرمی چیف جنرل قمر جاوید باجوہ سے ملاقاتیں کیں۔

جواد ظریف کا کہنا تھا کہ پاکستان ہمارا خاص ہمسایہ ملک ہے، پاکستان کے ساتھ بہت اچھے تعلقات ہیں پاکستان کے باہمی اورکثیر القومی تعاون موجود ہے۔ خطے کی سیکیورٹی اور امن کےلئے مل کرکام کریں گے۔

ایرانی وزیرخارجہ نے وزیر اعظم کو ایشیائی تعاون ڈائیلاگ سربراہ کانفرنس میں شرکت کی بھی دعوت دی تھی۔

Comments

comments

یہ بھی پڑھیں