site
stats
اہم ترین

ایرانی فوج نے پاکستان میں کارروائی کی دھمکی دے دی

تہران : ایرانی فوج کے سربراہ جنرل محمد حسین باقری نے کہا ہے کہ اگر پاکستان نے سرحد پار ایرانی علاقے میں حملے کرنے والے شدت پسندوں کے خلاف کارروائی نہ کی تو ایران پاکستان کے اندر ان کے ٹھکانوں کو نشانہ بنائے گا۔

غیر ملکی خبر رساں ایجنسی کے مطابق جنرل محمد حسین کا دھمکی آمیز لہجے میں کہنا تھا کہ دہشت گرد جہاں بھی ہوں گے ایرانی فوجی ان کو نشانہ بنائیں گے چاہے وہ پاکستان کے اندر ہی کیوں نہ ہوں وہاں بھی کارروائی کریں گے۔

جنرل محمد حسین باقری نے کہا کہ ہم اب اس طرح کی صورتحال برداشت نہیں کریں گے۔ جنرل محمد باقری کا مزید کہنا تھا کہ ہم امید کرتے ہیں کہ پاکستانی حکام سرحد کو کنٹرول کریں گے اور دہشت گردوں کو گرفتار کر کے ان کے ٹھکانوں کو ختم کریں گے۔

ایرانی جنرل نے الزام عائد کرتے ہوئے کہا کہ کالعدم گروہ نے مبینہ طور پر پاکستان کے اندر سے لانگ رینج اسلحہ استعمال کرتے ہوئے ایرانی فوجیوں کونشانہ بنایا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top