تہران(8 مارچ 2026): ایرانی صدر مسعود پزشکیان نے کہا ہے کہ ایرانی عوام متحد ہو کر سڑکوں پر نکلیں اور ملک کا دفاع کریں۔
ایرانی صدر مسعود پزشکیان نے اپنے حالیہ بیان میں ایرانی عوام سے اپیل کی کہ وہ متحد ہو کر سڑکوں پر نکلیں اور ملک کا دفاع کریں۔ ان کا مزید کہنا تھا کہ ایران اپنی سرزمین کا ایک انچ بھی دشمن کے قبضے میں نہیں جانے دے گا۔
انہوں نے کہا ہے کہ دشمن قوتیں خطے کے ممالک کے درمیان اختلافات پیدا کرنے کی کوشش کر رہی ہیں، ایرانی صدر نے واضح کیا کہ ایران اپنے تمام ہمسایہ اور برادر ممالک کے ساتھ اچھے تعلقات قائم رکھنے کا خواہاں ہے، تاہم اگر کسی دوسرے ملک کی سرزمین ایران پر حملے کے لیے استعمال ہوئی تو جواب دینا ہماری مجبوری ہوگی۔
صدر پزشکیان نے وضاحت کی کہ جوابی کارروائی کا مطلب ہرگز یہ نہیں کہ ایران کے اس ملک کے ساتھ اختلافات ہیں، بلکہ ایران حملہ کرنے والوں کو پوری قوت کے ساتھ جواب دے گا۔
انہوں نے ایرانی عوام سے اپیل کی کہ وہ متحد ہو کر سڑکوں پر نکلیں اور ملک کا دفاع کریں۔ ان کا مزید کہنا تھا کہ ایران اپنی سرزمین کا ایک انچ بھی دشمن کے قبضے میں نہیں جانے دے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں