پاکستان نے ایرانی جاسوس ڈرون مارگرایا -
The news is by your side.

Advertisement

پاکستان نے ایرانی جاسوس ڈرون مارگرایا

اسلام آباد : دفتر خارجہ نے کہا ہے کہ پاکستان نے اپنی حدود میں آنیوالا ایرانی جاسوس ڈرون مار گرایا، یہ ڈرون 19جون کو بلوچستان کی حدود میں داخل ہوا تھا۔

تفصیلات کے مطابق دفتر خارجہ کے ترجمان نفیس ذکریا نے کہا ہے کہ پاکستان نے ایران سے آنے والے جاسوس ڈرون کو مار گرایا ہے، یہ ڈرون 19جون کو صوبہ بلوچستان کے علاقے پنچگور میں پاکستانی سرحد کے45کلومیٹر اندر گرایا گیا۔

ایرانی ڈرون کو پاکستان ایئرفورس کے جے ایف تھنڈر 17لڑاکا طیارے نے اپنا نشانہ بنایا۔

ترجمان دفترخارجہ کا مزید کہنا تھا کہ واقعے کے بعد فوری طور پر پاکستان نے ایران سے احتجاج کیا اور پاک ایران سرحدی حکام کے درمیان فلیگ میٹنگ بلائی گئی، پاکستان نے ایرانی حکام سے معلومات کا تبادلہ کرلیا۔

Comments

comments

یہ بھی پڑھیں