ایران میں دہائیوں بعد خواتین شائقین کے لیے فٹبال اسٹیڈیم کے دروازے کھول دیے گئے۔
ایرانی وزیر داخلہ احمد واحدی نے تصدیق کی کہ خواتین شائقین Iran pro league اور TeamMelli کے میچ دیکھنے کے لیے اسٹیڈیم میں آسکتی ہیں۔
انہوں نے اس بات پر زور دیا کہ تہران کے آزادی اسٹیڈیم جیسے اسٹیڈیم خواتین شائقین کے لیے اپنے دروازے کھولنے کے لیے تیار ہیں اور اس سلسلے میں کوئی مسئلہ نہیں ہے۔
بین الاقوامی اداروں کے دباؤ کے بعد ایرانی خواتین کی ایک محدود تعداد کو پہلی بار تہران کے ایک اسٹیڈیم میں لیگ فٹ بال میچ دیکھنے کی اجازت دی گئی ہے۔
جمعرات کو ایرانی دارالحکومت کے آزادی اسٹیڈیم کی ویڈیوز اور تصاویر میں دکھایا گیا ہے کہ سیکڑوں خواتین اپنی
ٹیموں کے رنگوں میں سجی ہوئی ہیں اور جھنڈے اٹھائے ہوئے ہیں۔
ان خواتین کو مردوں سے الگ دروازے سے اسٹیڈیم میں داخلے کی اجازت دی گئی تھی۔
📹 👋🏼 Hossein Hosseini, @FCEsteghlalIran goalkeeper greeting the female supporters in Azadi Stadium
[@footballiapp]pic.twitter.com/IZPoH0O9Yr
— Gol Bezan (@GolBezan) August 25, 2022
بین الاقوامی فٹ بال کی گورننگ باڈی فیفا اور اس کے ایشیائی ہم منصب، ایشین فٹ بال کنفیڈریشن (اے ایف سی) نے اس ماہ کے شروع میں ایک مشترکہ خط میں ایرانی حکام سے خواتین کو لیگ میچوں میں شرکت کی اجازت دینے کا مطالبہ کیا تھا۔
