تہران : ایران میں کروناوائرس کا شکار سابق سفیر سعید ہادی تہران میں انتقال کرگئے جبکہ دو اہم شخصیات میں کرونا کی تصدیق ہوگئی ہے ، ایران میں مرنےوالوں کی تعداد 26 اورمتاثرین کی تعداد 245 ہوگئی ہیں ۔
تفصیلات کے مطاق عرب میڈیا کا کہنا تھا کہ ایران میں کروناوائرس کا شکار سابق سفیر سعید ہادی تہران میں انتقال کرگئے، وہ تہران کےاسپتال میں زیرعلاج تھے، ان کی عمر81برس تھی،سعید ہادی ویٹی کن میں بطور سفیر خدمات انجام دیں۔
ایرانی نائب وزیرصحت کے بعد نائب صدر برائے خواتین وخاندانی امور معصومہ ابتیکرمیں بھی کرونا وائرس کاشکارہوگئی ہے۔
دوسری جانب ایران میں کرونا وائرس سے اموات کی تعداد 26ہوگئی ہے جبکہ متاثرہ افراد کی تعداد 245 تک جا پہنچی، ایران میں سینما، ثقافتی تقریبات، کانفرنسز پر بندش میں مزید ایک ہفتے کی توسیع کردی ہے۔
مزید پڑھیں : کرونا وائرس: ایران میں نماز جمعہ کے اجتماعات منسوخ
ایرانی سرکاری ٹی وی کے مطابق ایران میں کرونا وائرس کےایک ہزارمشتبہ کیسز موجود ہیں جبکہ کرونا وائرس کےاننچاس مریض صحتیاب ہو چکےہیں۔
ترجمان ایرانی وزارت صحت نے ہدایت کی ہے کہ شہری ملک بھرمیں غیرضروری سفرسےگریزکریں۔
جان لیوا کرونا وائرس کے پھیلاؤ کے پیش نظر ایران نے بڑے شہروں میں آج نماز جمعہ کے اجتماعات کو منسوخ کردیا گیا ہے
دوسری جانب دنیا بھرمیں وائرس سےاموات کی تعداد 2800 سے تجاوز کرگئی ہے جب کہ 36 ہزارسے زائدمریض صحتیاب ہوکر گھروں کوجاچکے ہیں، عالمی ادارہ صحت نے کروناوائرس کو عالمی وبا بننے کا خدشہ ظاہر کردیا ہے۔
