تہران: ترجمان ایرانی وزارت خارجہ کا کہنا ہے کہ ایران کی طاقت ہزاروں سال قدیم تہذیب میں ہے، حملہ آوروں کو ہمیشہ پچھتانا پڑا۔
تفصیلات کے مطابق ایرانی وزارتِ خارجہ کے ترجمان اسماعیل بقائی نے کہا ہے کہ ایران کی اصل طاقت اس کا جغرافیہ نہیں بلکہ اس کی ہزاروں سال پرانی تہذیب اور عوام کا جذبہِ حب الوطنی ہے، جس نے ہر دور میں حملہ آوروں کو شکست اور پچھتاوے سے دوچار کیا ہے۔
اسماعیل بقائی نے سوشل میڈیا پر ایک معذور ایرانی سپاہی کی تصویر شیئر کی، جس نے عوامی جذبات کو جھنجھوڑ کر رکھ دیا۔
Homeland, for Iranians, is something far beyond a mere attachment to land and soil; it is a legacy as ancient as a civilization stretching back thousands of years, passed down from ancestors to their descendants. It is precisely this civilizational quality imbued with a spiritual… pic.twitter.com/uQq97Lj7x1
— Esmaeil Baqaei (@IRIMFA_SPOX) April 14, 2026
تصویر کے ساتھ لکھے گئے پیغام میں انہوں نے بتایا کہ یہ وہ بہادر سپاہی ہے جس نے اپنے نوزائیدہ بچے کو گلے لگانے سے پہلے مادرِ وطن کے دفاع کی خاطر اپنے دونوں ہاتھ قربان کر دیے۔
ترجمان کا کہنا تھا کہ ایرانیوں کے لیے وطن صرف زمین کا ٹکڑا نہیں بلکہ ایک عظیم اور قدیم وراثت ہے جس کا تحفظ وہ اپنی جان سے بڑھ کر کرتے ہیں۔
اسماعیل بقائی نے اپنے بیان میں ایران کی تاریخی بقا پر زور دیتے ہوئے کہا ایران تاریخ کے ہر کڑے موڑ اور ہر حملے کے سامنے اسی طرح مضبوطی سے قائم رہا ہے، ماضی کی طرح ایران کا مستقبل بھی فخر اور سربلندی سے عبارت رہے گا، ایرانی تہذیب نے ہمیشہ بیرونی طاقتوں کو ان کی جارحیت پر پچھتانے پر مجبور کیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں