بغداد :عراق میں یکے بعد دیگرے تین بم دھماکوں میں اکیاون افراد ہلاک درجنوں زخمی ہوگئے، شدت پسند تنظیم داعش نے ذمہ داری قبول کرلی ہے۔
عراقی دارالحکومت بغداد کے شاپنگ سینٹر پر شدت پسندوں کے حملے میں سترہ افراد ہلاک ہوئے جبکہ اس سے قبل عمارت کے باہر مارکیٹ میں ایک کار بم دھماکہ ہوا، مسلح حملہ آور گولیاں برساتے شاپنگ سینٹر میں داخل ہو گئے اور وہاں موجود افراد کو یرغمال بنا لیا۔
سکیورٹی فورسز کے عمارت میں داخل ہونے پر دو حملہ آوروں نے خود کش دھماکہ کردیا، اسی دوران شمالی بغداد میں دو بم دھماکے ہوئے، جن میں بیس سے زائد افراد ہلاک ہوئے۔
Comments
- Advertisement -
