site
stats
عالمی خبریں

بغداد : شادی کی تقریب میں دھماکہ ،درجنوں افراد ہلاک

بغداد: عراق کے دارالحکومت بغداد کے مغرب میں ایک شادی کی تقریب میں ہونے والے خود کش کار بم دھماکے میں کم سے کم 40 افراد ہلاک ہوگئے۔

تفصیلات کےمطابق عراق کے شہر فلوجہ کے قصبےت میں ہونے والی شادی کی تقریب میں دہشت گرد تنظیم کے خودکش حملہ آور نے خود کو دھماکے سے اڑا دیا جس کے نتیجے میں 40افراد ہلاک اور 60سے زائد زخمی ہوگئے۔

فلوجہ کے قصبے میں خودکش حملے کی ذمہ داری دہشت گرد تنظیم داعش نے قبول کرلتے ہوئے کہا ہے کہ اس نے فلوجہ کے قصبے میں ہونے والی شادی کی ایک تقریب میں مقامی سنی مسلمانوں کو نشانہ بنایا ہے۔

مزید پڑھیں:عراق میں دو خودکش حملوں میں15افراد ہلاک

خیال رہے کہ عراق کے شہر فلوجہ میں یہ دوسرا خودکش حملہ ہے اس سے قبل رواں ہفتے پیر کو فلوجہ کے شمال مغرب میں 2خود کش دھماکوں میں کم سے کم 15افراد ہلاک ہوئے تھے۔

دوسری جانب عراق کے شہر موصل سے دولت اسلامیہ کا قبضہ چھڑوانے کے لیے عراقی فوجوں کی جانب سے ایک ماہ کے پہلے شروع کی گئی کارروائی میں خراب موسم کے باعث پیش قدمی روک دی گئی ہے۔

مزید پڑھیں:عراقی فورسز سے جھڑپ میں داعش کے 30 دہشتگردہلاک

واضح رہے کہ گزشتہ ہفتےعراق کے شہر موصل میں سیکورٹی فورسز نےداعش کے خلاف لڑائی میں 30 دہشت گرد ہلاک اور دہشت گردوں کی 9گاڑیاں تباہ کردی تھیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top